پێدایش 37:18 - هُدائے پاکێن کتاب، بلۆچی زبانا

¹⁸ براتان ایسُّپ چه دورا دیست و آییئے سر بئیگا پێسر په آییئے کُشَگا پَندَلے سازِتِش.

پێدایش 37:18 Referans Kwoze

کاسِدانی کار 23:12

دومی سَباها، لهتێن یَهودیا پندلے جۆڑێنت و وت‌مان‌وتا سئوگندِش وارت که تان پولُسا مکُشنت، نه آپَ ورنت و نه ورگ.

مَرکاس 14:1

سَرگوَز و بێهُمیرێن نگنئے ائییدا دو رۆچ پَشت کپتگ‌اَت، مزنێن دینی پێشوا و شَریَتئے زانۆگر، راه و نیمّۆنے شۆهاز کنگا اَتنت تان گۆن رِپک و پَندَل، ایسّایا بگرنت و بکۆشارێننت.

زَبور 37:32

بدکار، په پهرێزکارا کمینَ کنت و آییئے کۆشئے رندا اِنت.

زَبور 37:12

بدکار پهرێزکارئے هلاپا پندلَ سازیت و په آییا دنتانَ درُشیت،

یوهَنّا 11:53

چه آ رۆچا و رَند، ایسّائے کُشگئے پَندَلِش سازت.

زَبور 31:13

چیا که بازێنێئے بُهتامان اِشکنگا آن، تُرس و دهشت چه هر گوَرا، گۆن یکدگرا پندلَ جۆڑێننت و په منی کُشگا مَندر و رپکَ سازنت.

مَرکاس 12:7

بله باگپانان وت‌مان‌وتا گوَشت: ’باگئے میراس‌دار همِش اِنت، بیاێت اِشیا هم کُشێن، تانکه مِلک و میراس مئے ببنت.‘

مَتّا 27:1

سباها ماهلّه، سجّهێن مزنێن دینی پێشوا و کئومئے کماش ایسّائے کۆشا همشئور بوتنت.

مَتّا 21:38

بله وهدے باگپانان آییئے چُکّ دیست، وت‌مان‌وتا گوَشتِش: ’باگئے میراس‌دار همِش اِنت، بیاێت بکُشێنی تان اِشیئے مِلک و میراسئے هُدابُند وت ببێن.‘

زَبور 109:4

منی مِهرئے بدلا منا بُهتامِش جتگ، بله من په آیان نێکێن دْوا کرتگ.

زَبور 105:25

دژمنانی دلی گَردێنت تان چه آییئے کئوما نپرت بکننت و آییئے هزمتکارانی هلاپا پَندَل بسازنت.

زَبور 94:21

آیانی ٹۆلی پهرێزکارانی هلاپا همدست و همکارَ بنت و بێگناهان مرکئے سزا دئینت.

پێدایش 37:19

وت‌مان‌وتا گوَشتِش: ”بچارێت، وابانی واجه پێداک اِنت.

پێدایش 27:41

چه هما وهدا ایسّوا په آکوبا کێنگ دلا داشت، هما برکتئے سئوَبا که پتا آییارا داتگ‌اَت. دلا گوَشتی: ”منی پتئے پُرسئے رۆچ نزّیکّ اَنت. رندا وتی برات آکوبا کُشان.“

پێدایش 50:15

وهدے ایسُّپئے براتان دیست که مئے پت مُرتگ، گوَشتِش: ”اگن ایسُّپا کێنگ دلا اِنت، هما سجّهێن بدیانی بێرا گیپت که ما گۆن آییا کرتگ‌اَنت.“

پێدایش 50:20

شمئے نیّت منی تاوان دئیگ اَت، بله هُدائے نیّت نێک اَت. آییئے نیّت همِش اَت که بازێن مردمێئے ساه برَکّیت. اے کار، همِش اِنت انّون بئیگا اِنت.

زَبور 31:14

بله او هُداوند! من تئیی سرا تئوکلَ کنان و گوَشان که ”تئو منی هُدا ائے.“