پێدایش 35:11 - هُدائے پاکێن کتاب، بلۆچی زبانا

¹¹ هُدایا گۆن آکوبا گوَشت: ”من پُرواکێن هُدا آن. چُکّ و بَر کن و گێش بئیان بئے. چه تئو کئومے و کئومانی رُمبے پێدا بیت و بادشاه چه تئیی سْرێنا پێدا بنت.

پێدایش 35:11 Referans Kwoze

پێدایش 17:1

اِبراما که نئوَد و نُه سال بوت، هُداوند آییئے دێما زاهر بوت و گوَشتی: ”من پُرواکێن هُدا آن، منی راها برئو و په بێمئیاری زند بگوازێن.

پێدایش 22:17

من هم په راستی ترا برکتَ دئیان و تئیی نَسل و پَدرێچا اَنچۆ بازَ کنان که آسمانئے اِستار و تئیابئے رێک اَنت. تئیی پُشپَد وتی دُژمنانی شهرانَ گِرَنت و وتی مِلکتَ کننت و

پێدایش 9:1

هُدایا نوه و آییئے چُکّ برکت دات و گوَشتنت: ”چُکّ و بَر کنێت و گێش ببێت و دنیایا پُرّ کنێت.

دَرگوَز 6:3

من که اِبراهێم و اِساک و آکوبئے دێما زاهر بوتان، من وتی نام ’پُرواکێن هُدا‘ کرت. من آ هال نداتنت که منی نام ’یَهوِه‘ اِنت.

پێدایش 17:16

من برکتیَ دئیان و ترا چه آییا مردێن‌چُکّے بیت. من سارَها برکتَ دئیان و آ کئومانی ماتَ بیت، کئومانی بادشاه چه آییا پێدا بنت.“

پێدایش 15:5

هُداوندا اِبرام ڈنّا بُرت و گوَشت: ”آسمانا بچار و اِستاران هساب کن، اگن هسابِش کرتَ کنئے. تئیی نَسل و پَدرێچ اِشانی پئیما بازَ بیت.“

پێدایش 12:2

من ترا مزنێن کئومے جۆڑَ کنان، ترا برکتَ دئیان و تئیی ناما بُرزَ کنان و تئو برکتے بئے.

دَرگوَز 1:7

بله بنی اِسراییل پُرسَمر اَت. آیان چُکّ و بَر کرت، وَدّان بوت و سکّ باز بوتنت. مِسرئے مُلک چه اِسراییلیان پُرّ بوت.

پێدایش 43:14

پُرواکێن هُدا آ مردا په شما رهمدل کنات که شمئے آ دگه براتا و بِنیامینا گۆن شما آیگا بِلّیت. بله اگن من چُکّ باهێنتنت وَه منی بَهت و نَسیب.“

پێدایش 32:12

بله تئو گوَشتگ: ’من اَلّما ترا سبز و آبادَ کنان و تئیی پَدرێچا دریائے رێکانی پئیما اَنچۆ بازَ کنان که هسابَ نبنت.‘“

پێدایش 28:14

تئیی چُکّ و نُماسگ زمینئے هاکانی کِساسا بازَ بنت و شما رۆدراتک و رۆنند و شمال و جنوب، چارێن نێمگان تالانَ بێت. زمینئے سجّهێن کئوم تئیی و تئیی نَسل و پَدرێچئے سئوَبا بَرکتَ گرنت.

پێدایش 18:18

اِبراهێم اَلّما مزن و زۆرمَندێن کئومے جۆڑَ بیت و آییئے سئوَبا زمینئے سجّهێن کئوم برکتَ گرنت.

پێدایش 18:14

چُشێن کارے هست که په هُداوندا گران ببیت؟ گیشّتگێن وهدا، دێمی سالا تئیی کِرّا پِرَ ترّان و سارَها مردێن‌چُکّے بیت.“

پێدایش 13:16

تئیی نَسل و پَدرێچا زمینئے دنزانی پئیما بازَ کنان، اگن کسے دنز و گُباران هساب کرتَ کنت، گڑا تئیی نَسل و پَدرێچا هم هساب کرتَ کنت.

پێدایش 46:3

هُدایا گوَشت: ”من هُدا آن، تئیی پتئے هُدا. مِسرئے رئوگا متُرس که من اۆدا چه تئو مزنێن کئومے اڈَّ کنان.

پێدایش 9:7

نون شما، چُکّ و بَر کنێت و زمینئے سرا گێش ببێت، زمینئے سرا شِنگ و تالان و گێشا چه گێش ببێت.“

پێدایش 17:4

”بچار، اے گۆن تئو منِ هُدائے اَهد و پئیمان اِنت که تئو بازێن کئومێئے پتَ بئے.

پێدایش 36:31

اے هما بادشاه اَتنت که اِدومئے مُلکا بادشاهی‌اِش کرت. چه اِد و پێسر اِسراییلیانی سرا بادشاهێا هاکمی نکرتگ‌اَت.

پێدایش 47:27

نون اِسراییلی مِسرئے مُلکا، گۆشِنئے دَمگا جَهمنند بوتنت. اۆدا آیان ڈگار رسِت، بازێن چُکّ و برے کرتِش و سکّ باز بوتنت.

دَرگوَز 2:24

هُدایا آیانی نالَگ اِشکتنت و وتی هما اَهد و پئیمانئے ترانَگا کپت که گۆن اِبراهێم و اِساک و آکوبا بَستگ‌اَتی.