پێدایش 33:18 - هُدائے پاکێن کتاب، بلۆچی زبانا

¹⁸ آکوب که چه پَدّان‌اَراما پِر ترّگا اَت، شِکێمئے شهرا کَنهانئے سرڈگارا په سلامتی سر بوت و شهرئے نزّیکّا اُردی کرت.

پێدایش 33:18 Referans Kwoze

کاسِدانی کار 7:16

آیانی جۆن چه اۆدا آرگ و شِکێمئے شهرا، هما کبرا کَلّ کنگ بوتنت که اِبراهێما چه هامۆرئے چُکّان په چیزّے زرّا بها گپتگ‌اَت.

یوهَنّا 4:5

آ، سامِرَها شهرێا رَست که نامی سوهار اَت و هما ڈگارئے نزّیکّا اَت که آکوبا وتی چُکّ ایسُّپارا داتگ‌اَت.

پێدایش 25:20

اِساکئے اُمر چِلّ سال اَت وهدے گۆن رِبِکّایا سوری کرت. رِبِکّا، بِتوێل اَرَماییئے جنکّ و لابان اَرَماییئے گهار اَت. بِتوێل پَدّان‌اَرامئے مردمے اَت.

یوهَنّا 3:23

یَهیا هم سالِمئے نزّیکّا، ائینونا، مردمان پاکشۆدی دئیگا اَت. اۆدا آپ باز اَت و مردم په پاکشۆدیا آتکنت.

پێدایش 46:15

آکوب و لیاهئے مردێن‌چُکّ همِش اَتنت که پَدّان‌اَرامئے مُلکا پێدا بوتگ‌اَتنت. آکوب و لیاهئے جنکّ دینَه هم همۆدا پێدا بوتگ‌اَت. آکوبئے اے بَچّ و جنکّ سَرجمیا سی و سئے اَتنت.

پێدایش 35:9

آکوب که چه پَدّان‌اَراما آتک، هُدا پدا آییئے دێما زاهر بوت و آکوبی برکت دات.

پێدایش 28:2

زوتّ پَدّان‌اَراما برئو، وتی ماتئے پت بِتوێلئے لۆگا. همۆدا، گۆن وتی ماتئے برات لابانئے جنکّێا سور کن.

پێدایش 12:6

اِبرام آ مُلکا ترّ و تاب کنان تان مورِهئے مزنێن درچکئے جاگها، شِکێما شت. آ وهدا، اے مُلکا کَنهانی نندۆک اَتنت،

پێدایش 37:13

اِسراییلا گۆن ایسُّپا گوَشت: ”تئو زانئے که تئیی برات رمگئے چارێنگا شِکێما شتگ‌اَنت. وتا گیشّێن و آیانی کِرّا برئو.“ ایسُّپا گوَشت: ”شَرّ اِنت.“

پێدایش 48:7

وهدے من چه پَدّانا پِر ترّگا اَتان و اِپراتئے رسگا اَنگت کَمّے راه پَشت کپتگ‌اَت، راها، کَنهانئے مُلکا راهیلئے مَرکئے سۆک منی سرا کپت. من راهیل همۆدا اِپراتئے راها کبر کرت.“ اِپرات بئیت‌لَهِم اِنت.

زَبور 60:6

هُدایا چه وتی پاکیا هبر کرت: ”شِکێما گۆن شادهی بهرَ کنان و سوکّۆتئے دَرَگا کِساسَ کنان.

پێدایش 31:25

اے وهدا که لابان گۆن آکوبا دُچار کپت، آکوبا وتی گِدان گِلیادئے کۆهستگێن دَمگا مِکّ کرتگ‌اَت و لابان و سیادان هم همۆدا وتی گِدان مِکّ کرتنت.