پێدایش 32:28 - هُدائے پاکێن کتاب، بلۆچی زبانا

²⁸ مَردا گوَشت: ”چه اِد و رند تئو آکوب گوَشگَ نبئے، تئیی نام اِسراییلَ بیت، چێا که تئو گۆن هُدایا و گۆن مردمان مِڑِتگئے و سردَست بوتگئے.“

پێدایش 32:28 Referans Kwoze

اِلهام 2:17

هرکَسا که گۆش پِر، گۆش بداریت که پاکێن روه گۆن کِلیسایان چے گوَشیت. هما که سۆبێنَ بیت، من آییا چه چێر و پناهێن مَنّا بَهرے دئیان. من آ مردما اسپێتێن سِنگے هم دئیان که آییئے سرا نۆکێن نامے نبشته اِنت. اے ناما تهنا هما زانت که آییا دئیگَ بیت.

پێدایش 35:10

گۆن آییا گوَشتی: ”تئیی نام آکوب اِنت، بله چه اِد و رند تئو آکوب گوَشگَ نبئے. تئیی نام اِسراییلَ بیت.“ گڑا آکوبئے نامی اِسراییل کرت.

پێدایش 17:5

چه اِد و رند تئیی نام اِبرامَ نبیت، تئیی نام اِبراهێمَ بیت، چێا که من ترا بازێن کئومێئے پت کرتگ.

پێدایش 17:15

هُدایا گۆن اِبراهێما گوَشت: ”بله وتی لۆگی ساراییا چه اِد و رند سارایی تئوار مکن، آییئے نام سارَهَ بیت.

پێدایش 33:4

بله ایسّو په وتی براتئے گِندُکا تچان بوت. آکوبی گوَراَمباز کرت، دَستی آییئے گردنا دئور داتنت و چُکّتی. دوێنان گرێت.

یوهَنّا 1:42

رَندا شَمونی ایسّائے کِرّا برت. ایسّایا شَمون چارت و گوَشتی: ”تئو شَمون ائے، یوهَنّائے چُکّ. بله نون تئیی نام کێپا بیت.“ کێپائے مانا پِتْرُس اِنت.

پێدایش 25:31

آکوبا پَسّئو دات: ”ائولا وتی پێدائِشی هَکّا منی کِرّا بها کن.“

پێدایش 32:24

آکوب اێوَک بوت. یکّ مردے آتک و تان بامگواها گۆن آییا بَند مِڑِت.

پێدایش 31:24

هُدا شپا لابان اَرَماییئے وابا آتک و گوَشتی: ”هَبردار! آکوبا هچّ مگوَش، نه شَرّ، نه هَراب.“

پێدایش 33:20

اۆدا کُربانجاهے اَڈّی کرت و آییئے نامی اێل‌اێلوهی‌اِسراییل کرت.

پێدایش 32:27

گڑا مردا گوَشت: ”تئیی نام کئے اِنت؟“ آکوبا پَسّئو دات: ”آکوب.“