پێدایش 30:20 - هُدائے پاکێن کتاب، بلۆچی زبانا

²⁰ گڑا لیاها گوَشت: ”هُدایا منا کیمَّتیێن سئوگاتے بَکشاتگ. نون منی مرد منی اِزَّتا کنت که من په آییا شَش مردێن‌چُکّ آورتگ.“ گڑا چُکّئے نامی زِبولون کرت.

پێدایش 30:20 Referans Kwoze

مَتّا 4:13

ناسِرَهئے شهری یله دات و کَپَرناهومئے شهرا جَهمنند بوت. کَپَرناهوم، جَلیلئے مَزَن‌گوَرمئے کِرّا، زِبولون و نَپْتالیئے کَبیلهانی سرڈگارا اِنت.

پێدایش 49:13

زِبولون تئیاب‌دَپا جَهمنندَ بیت، په بۆجیگان بَندِنے بیت و سیمسری تان سئیدونا سرَ بیت.

پێدایش 35:23

چه لیاها روبِن، که آکوبئے ائولی چُکّ اَت و شَمون و لاوی و یَهودا و ایسّاکار و زِبولون اَتنت،

زَبور 68:27

بِنیامینئے کَسانێن کَبیله همۆدا اِنت، یَهودائے کماش آیانی هاکم اَنت، زِبولونئے کماش و نَپتالیئے کماش، مزنێن رُمبے اَنت.

پێدایش 46:14

زِبولونئے مردێن‌چُکّ سِرِد و ایلون و یَهلێل اَتنت.

پێدایش 30:15

بله لیاها گوَشت: ”تئو منی مرد برتگ، بَسّ نه‌اِنت؟ نون منی چُکّئے مِهرکاهان هم پَچَ گِرئے؟“ راهیلا گوَشت: ”شَرّ اِنت، تئیی چُکّئے مِهرکاهانی مُزّا، اِنشپی آکوب گۆن تئو بوپسیت.“

پێدایش 29:34

آ پدا لاپ‌پُرّ بوت و وهدے مردێن‌چُکّے آورتی، گوَشتی: ”نون، چه اِد و دێم منی مرد منا دۆستَ داریت که من په آییا سئے مردێن‌چُکّ آورتگ.“ پمێشکا اے چُکّئے نامِش لاوی کرت.

پێدایش 30:19

لیاه پدا لاپ‌پُرّ بوت و شَشُمی رندا په آکوبا مردێن‌چُکّے آورتی.

پێدایش 30:21

مُدّتێا رند لیاها جنێن‌چُکّے آورت و آییئے نامی دینَه کرت.

پێدایش 34:12

بانۆرئے هَکمِهرا بگوَشێت و هر مالے که لۆٹێت، همینچُک که گوَشێت، من شمارا دئیان. بَسّ اے جنکّا گۆن من سور بدئیێت.“

دَرگوَز 22:17

بله اگن جنکّئے پت وتی جنکّئے دئیگا هچّ وڑا رازیگ نبوت، گڑا اے مردێن، جنکّێئے هَک‌مِهرئے کِساسا زَرّ بدنت.