پێدایش 28:17 - هُدائے پاکێن کتاب، بلۆچی زبانا

¹⁷ تُرسِت و گوَشتی: ”اے جاگه دلا آپَ کنت. اے اَلّما هُدائے جندئے لۆگ اِنت، اَرشئے دروازگ اِنت.“

پێدایش 28:17 Referans Kwoze

په تیموتاووسا پولُسئے ائولی کاگد 3:15

اگن من دێر کُرت، تئو بزانئے که هُدائے لۆگئے مردم بایَد گۆن یکدومیا چِه پئیما پێش بیاینت، هما که نمیرانێن هُدائے کلیسائے مردم اَنت و راستیئے مِنُک و بُنیاد اَنت.

دَرگوَز 3:6

هُدایا پدا گوَشت: ”من تئیی پتئے هُدا آن، اِبراهێمئے هُدا، اِساکئے هُدا و آکوبئے هُدا آن.“ موسّایا هُدائے چارگ تُرست و وتی دێمی گِپت.

لوکا 2:9

آ شپا، اَناگت هُداوندئے پرێشتگے آیانی دێما آتک و چارێن نێمگان هُداوندئے مزنیئے شَهم و رُژنایی دْرپشان بوت. چه اِشیا، آیان سکّ تُرست.

پێدایش 28:22

اے سِنگ که من په چێدَگ مِکّ کرتگ، هُدائے لۆگَ بیت. هرچے که تئوِ هُدا منا دئیئے، آییئے دَه‌یَکّا اَلّما ترا دئیان.“

اِلهام 1:17

من که دیست، پوره مُردگے بوتان و آییئے پادانی دێما کپتان. وتی راستێن دستی منی سرا اێر کرت و گوَشتی: ”متُرس، من ائولی و آهری آن.

پِتْرُسئے ائولی کاگد 4:17

نون دادرسیئے وهد آتکگ و اے دادرسی چه هُدائے هاندان و کَهۆلا بِنداتَ بیت. اگن دادرسی چه هُدائے هاندانا بِنداتَ بیت که ما اێن، گڑا آ مردمانی آسر و آکبت چے بیت که هُدائے وشّێن مِستاگئے نمَنّۆک اَنت؟!

لوکا 8:35

مردم شتنت تان گۆن وتی چمّان اے سرگوَستا بگندنت. ایسّائے کِرّا آتکنت و هما مردِش دیست که جِنّان یله کرتگ‌اَت، ایسّائے پادانی دێما نِشتگ، پُچّ و پۆشاکی گوَرا و په هۆش و سار اِنت. نون تُرسِش دلا نِشت.

مَتّا 17:6

وهدے مریدان اے تئوار اِشکت، سکّ تُرستِش و دێم په چێر کپتنت.

زَبور 68:35

او هُدا! تئو وتی پاکێن جاگها باکَمال ائے، اِسراییلئے هُدا وتی کئوما زۆر و واکَ بکشیت. هُدایا ستا و سنا بات.

پێدایش 28:18

دومی سُهبا ماهلّه آکوب پاد آتک، وتی سرئے چێرئے سِنگی زُرت و چێدَگے اَڈّی کرت و رۆگنی پِر رێتک.

دَرگوَز 3:5

هُدایا گوَشت: ”نزّیکتر مئیا. وتی سواسان کَشّ که اے جاگها که تئو اۆشتاتگئے، اے پاکێن جاگهے.“