پێدایش 24:42 - هُدائے پاکێن کتاب، بلۆچی زبانا

⁴² مرۆچی که من اے چَمّگئے سرا آتکان، گوَشتُن: ’او هُداوند! منی واجه اِبراهێمئے هُدا! اگن تئیی رَزا اِنت، اے سپرا که من آتکگان، اِشیا سۆبێن کن.

پێدایش 24:42 Referans Kwoze

پولُسئے کاگد په رومیان 1:10

منی دَزبندی چه هُدایا اِش اِنت که گُڈسرا، گۆن هماییئے رزایا شمئے کرّا رسگا کامیاب ببان،

زَبور 90:17

مئے هُداوندێن هُدائے مهربانی په ما سر بات، مئے دستانی کاران برکت بدئے، هئو، مئے دستانی کاران برکت بدئے.

زَبور 37:5

وتی زندمانئے راها هُداوندئے سپردگ کن و آییئے سرا تئوکل، که کارساز هما اِنت.

کاسِدانی کار 10:22

آیان پَسّئو دات: ”ما پئوجی اَپسر کُرنیلیوسئے کاسِد اێن. آ پهرێزکار و هُداتُرسێن مردمے و سجّهێن یَهودی آییئے وشنامی و بۆهێریئے مَنّۆگر اَنت. هُدائے یکّ پاکێن پرێشتگێا گۆن آییا گوَشتگ که په تئیی هبرانی گۆش دارگا ترا وتی لۆگا بلۆٹیت.“

پێدایش 39:3

وهدے ایسُّپئے واجها دیست که هُداوند گۆن ایسُّپا گۆن اِنت و ایسُّپ هر کارے که کنت، هُداوند آییا کامیابَ کنت،

پێدایش 24:31

گوَشتی: ”او هُداوندئے برکت داتگێن! بیا، ڈَنّا چێا اۆشتاتگئے؟ من لۆگ تئیار کرتگ و په اُشتران هم جاگهُن گیشّێنتگ.“

پێدایش 24:11

چه شهرا ڈَنّ، چاتێئے کِرّا اُشتری جۆکێنتنت. بێگاهئے وهد اَت و اے وهدا جنێن په آپئے کَشّگا آتکنت.

پێدایش 24:27

گوَشتی: ”هُداوندا سَتا بات، منی واجه اِبراهێمئے هُدایا که گۆن منی واجها وتی مِهر و وپاداری‌ای برجاه داشتگ و دێم په منی واجهئے سیادانی لۆگئے اے سپرا منی رهشۆن بوتگ.“