پێدایش 23:4 - هُدائے پاکێن کتاب، بلۆچی زبانا

⁴ ”من شمئے نیاما درکئوم و دَرامدے آن. منا په کبرستانێا، زمینی ٹُکّرے بها بدئیێت که وتی مُردگا کبر کرت بکنان.“

پێدایش 23:4 Referans Kwoze

پێدایش 17:8

من کَنهانئے سجّهێن سرڈگارا، که انّون تئو اِدا دَرامَدے ائے، تئیی و چه تئو رند تئیی نَسل و پَدرێچئے اَبَدی مِلکتَ کنان و آیانی هُدا بان.“

زَبور 119:19

من زمینا درامَدے آن، وتی هُکمان چه من چێر مدئے.

کاسِدانی کار 7:5

اِدا، هُدایا آییارا هچّ میراس و مِلکت ندات، یکّ بِچیلّے زمینی هم ندات، بله لَبزی کرت که آییئے نَسل و پَدرێچ اے سرڈگارئے هُدابُندَ بیت. هُدایا اے هبر هما وهدا کرت که اِبراهێما اَنگت چُکّ نێست‌اَت.

زَبور 39:12

”او هُداوند! منی دْوایا بِشکن و په کُمکا منی پریاتئے نێمگا دلگۆش کن، ارسانُن مشمۆش و بێتئوار مبئے. چیا که تئیی گوَرا مهمانێئے پئیما آن، دَرامدے، وتی پت و پیرێنانی ڈئولا.

پێدایش 49:30

هما گارا که مَکپێلَهئے ڈگارا، مَمرِهئے نزّیکّا، کَنهانئے مُلکا اِنت و اِبراهێما چه اِپرون هیتّیا گۆن ڈگارا هۆر بها زرت که کبرستانے بکنتی.

پِتْرُسئے ائولی کاگد 2:11

او دُردانگان! شما اے دنیایا بێگانگ و دَرامد اێت. منی دَزبندی همِش اِنت که وتا چه آ جسمانی لۆٹ و واهگان پهرێز بکنێت که شمئے روهئے هلاپا جنْگَ کننت.

پێدایش 50:13

آکوبِش کَنهانئے مُلکا برت و هما گارا کبر کرت که مَکپێلَهئے ڈگارا، مَمرِهئے نزّیکّا اَت. اِبراهێما آ گار گۆن ڈگارا چه اِپرون هیتّیا بها زرتگ‌اَت که کبرستانے بکنتی.

پێدایش 47:9

آکوبا پسّئو دات: ”منی زندئے مُساپریا سَد و سی سال اِنت. منی اُمر مزن نه‌اِنت و منی سال په سکّی و سۆری گوَستگ‌اَنت. چه منی پت و پیرُکانی مُساپریئے سالان کمتر اَنت.“

پێدایش 3:19

گۆن هێدێن پێشانیگے وتی نگنا ورئے تان هما وهدا که هاکا پِرَ ترّئے، چێا که چه همِشیا زورگ بوتگئے. تئو هاکے ائے و پدا هاکا پِرَ ترّئے.“

کاسِدانی کار 7:16

آیانی جۆن چه اۆدا آرگ و شِکێمئے شهرا، هما کبرا کَلّ کنگ بوتنت که اِبراهێما چه هامۆرئے چُکّان په چیزّے زرّا بها گپتگ‌اَت.

پێدایش 23:5

هیتّیان پسّئو دات:

دَرگوَز 2:22

سَپورَها مردێن‌چکّے آورت و موسّایا آییئے نام گئیرشام کرت، گوَشتی: ”من دَرمُلکا دَرامدے آن.“