پێدایش 22:23 - هُدائے پاکێن کتاب، بلۆچی زبانا

²³ چه بِتوێلا رِبِکّا پێدا بوت. اِبراهێمئے برات ناهۆرئے اے هشتێن چُکّ چه مِلکَها پێدا بوتنت.

پێدایش 22:23 Referans Kwoze

پێدایش 24:15

آییا اَنگت دْوا هلاس نکرتگ‌اَت که رِبِکّایا وتی کونزگ کۆپَگا اَت و آتک. رِبِکّا بِتوێلئے جنکّ اَت. بِتوێل مِلکَهئے مَردێن‌چُکّ اَت و مِلکَه، اِبراهێمئے برات ناهۆرئے جَن اَت.

پولُسئے کاگد په رومیان 9:10

تهنا اِش نه‌اَت، گۆن رِبِکّایا هم همے پئیمێن چیزّے بوت، وهدے آ په وتی جاڑێن چُکّان لاپ‌پُرّ بوت. آیانی پت هم هما یکّێن اَت، بزان مئے بُنپیرک اِساک.

پێدایش 28:5

گڑا اِساکا آکوب راه دات و آکوب پَدّان‌اَراما بِتوێل اَرَماییئے چُکّ لابانئے کِرّا شت. لابان، ایسّو و آکوبئے مات رِبِکّائے برات اَت.

پێدایش 28:2

زوتّ پَدّان‌اَراما برئو، وتی ماتئے پت بِتوێلئے لۆگا. همۆدا، گۆن وتی ماتئے برات لابانئے جنکّێا سور کن.

پێدایش 25:20

اِساکئے اُمر چِلّ سال اَت وهدے گۆن رِبِکّایا سوری کرت. رِبِکّا، بِتوێل اَرَماییئے جنکّ و لابان اَرَماییئے گهار اَت. بِتوێل پَدّان‌اَرامئے مردمے اَت.

پێدایش 24:67

اِساکا رِبِکّا زرت و وتی ماتئے، بزان سارَهئے گِدانا آورت و گۆن رِبِکّایا سوری کرت. آ، اِساکئے لۆگی بوت و اِساکا سکّ دۆست اَت. اِساک که وتی ماتئے مرکا گَمیگ اَت، نون آرام گِپت.

پێدایش 24:60

آیان رِبِکّا برکت دات و گوَشتِش: ”مئے گهار! تئو هزارانی هزار باتئے. تئیی نَسل و پَدرێچ وتی بَدواهانی شهرانی مستر باتنت.“

پێدایش 24:51

اِش اِنت رِبِکّا، زوری و برئو که تئیی واجهئے چُکّئے لۆگی ببیت، هما پئیما که هُداوندا گوَشتگ.“

پێدایش 24:47

من چه آییا جُست کرت: ’تئو کئیی جنکّ ائے؟‘ آییا گوَشت: ’بِتوێلئے جنکّ آن. بِتوێلئے پت ناهۆر اِنت و مات مِلکَه.‘ گڑا من پُلۆه پۆنزا دات و هَتّلی دستا داتنت و

پێدایش 24:24

رِبِکّایا گوَشت: ”من بِتوێلئے جنکّ آن. بِتوێل، مِلکَه و ناهۆرئے چُکّ اِنت.“

پێدایش 11:29

اِبرام و ناهۆر، دوێنان سور و سانگ کرت. اِبرامئے لۆگیئے نام سارایی اَت و ناهۆرئے لۆگیئے نام مِلکَه. مِلکَه، هارانئے جنکّ اَت و هاران، مِلکَه و یَسکاهئے پت.

پێدایش 22:22

اے دگه چُکّی کِسِد و هَزۆ و پیلداش و یَدلاپ و بِتوێل اَنت.

پێدایش 22:24

ناهۆرئے سُریَت که نامی رَهومَه اَت، چه آییا تِبَه و گَهَم و تَهاش و ماکَه پێدا بوتنت.