2 سارَهئے لاپ پُرّ بوت و اِبراهێمئے پیرانسریا په آییا مَردێنچُکّے آورتی. چُکّ هما گیشّتگێن وهدا پێدا بوت که هُدایا چه پێسرا اِبراهێم هال داتگاَت.
چێا که پاکێن کتابا نبشته اِنت که اِبراهێما دو مردێنچُکّ هستاَت، یکّے چه مۆلِدێن جنا و یکّے چه آزاتێنا.
هُدایا گۆن اِبراهێما اَهد و کَرارے بست که آییئے نشانی مردێنچُکّانی سُنّت کنگ اِنت. پمێشکا، وهدے اِبراهێما اِساکێن چُکّ بوت، هشتمی رۆچا سُنّتی کرت. همے ڈئولا اِساکا وتی چُکّ آکوب و آکوبا وتی دوازدهێن چُکّ، که مئے کئومئے کَبیلهانی بُنپیرُک اَنت، سُنّت کرتنت.
اِلیزابِت هم که تئیی سیاد اِنت، پیرانسریا په مردێنچُکّێا اُمێتوار اِنت. هما که گوَشتگاَتِش سَنٹ و بێرَند اِنت، نون شَش ماه اِنت که لاپی پُرّ اِنت.
چُشێن کارے هست که په هُداوندا گران ببیت؟ گیشّتگێن وهدا، دێمی سالا تئیی کِرّا پِرَ ترّان و سارَها مردێنچُکّے بیت.“
گڑا چه آیان یکّێا گوَشت: ”آیۆکێن سالا همے وهدا اَلّما تئیی کِرّا پرَ ترّان و تئیی لۆگی سارَها مردێنچُکّے گوَرانَ بیت.“ سارَه آییئے پُشتی نێمگا، گِدانئے دپا، گۆش دارگا اَت.
هُدایا گوَشت: ”اِنّه، تئیی جَن سارَه چُکّے کاریت و تئو باید اِنت چُکّئے ناما اِساک بکنئے. من وتی اَهد و پئیمانا گۆن اِساکا برجاهَ داران و چه آییا رند، اے په آییئے نَسل و پَدرێچا اَبدمانێن اَهد و پئیمانے بیت.
بله وتی اَهد و پئیمانا گۆن اِساکا برجاهَ داران که دێمی سالا همے وهدا چه سارَها پێدا بیت.“
پرچا که واده و کرار چُش اَت: ”گیشّێنتگێن وهدا پِرَ تَرّان و سارَها مردێنچُکّے بیت.“