پێدایش 20:9 - هُدائے پاکێن کتاب، بلۆچی زبانا

⁹ گڑا اَبیمَلِکا اِبراهێم لۆٹاێنت و گوَشت: ”تئو چێا گۆن ما چُش کرت؟ من تئیی کجام کار هراب کرتگ‌اَت که تئو منی جند و منی مُلک چُشێن مزنێن گناهے سرا داتنت؟ تئو گۆن من اَنچێن کارے کرت که کَسّ گۆن کَسّا نکنت.“

پێدایش 20:9 Referans Kwoze

پێدایش 12:18

پِرئونا اِبرام لۆٹاێنت و گوَشت: ”اے چِه کارے اَت که تئو گۆن من کرت؟ تئو چێا منا هال ندات که اے تئیی لۆگی اِنت؟

پێدایش 39:9

اے لۆگا کَسّ چه من مستر نه‌اِنت. تئیی جندا اَبێد هچّ چیزّی چه من دور نداشتگ، چێا که تئو آییئے لۆگبانُک ائے. گڑا من چۆن چُشێن رَدێن کارے بکنان و وتا هُدائے چمّان گُنهکار بکنان؟“

پێدایش 26:10

اَبیمَلِکا گوَشت: ”تئو چێا گۆن ما چُش کرت؟ اگن منی مردمے گۆن تئیی جَنا بوَپتێن، تئو گناهے مئے چَکّا دئور داتگ‌اَت.“

په تیتوسا پولُسئے کاگد 1:11

اے مردمانی دپ باید اِنت بند کنگ ببیت، چێا که په وتی لالِچ و تَماها لهتێن لۆگا سرجما تباه کنگا اَنت. اے اَنچێن تالیم دئیگا اَنت که باید اِنت مدئینت.

پولُسئے کاگد په رومیان 2:11

چێا که هُدا رو و ریا نکنت.

دَرگوَز 32:35

نون هُداوندا پمێشکا وَباے مهلوکئے چَکّا دئور دات که هارونا گوَسکے اَڈّ کرتگ‌اَت و مردمان پرستش کرتگ‌اَت.

دَرگوَز 32:21

موسّایا گۆن هارونا گوَشت: ”اے مردمان چۆن ترا پرمات و تئو چُشێن بلاهێن گناهے اِشانی چَکّا آورت؟“

پێدایش 38:24

کِساس سئے ماها رند یَهودااِش هال دات که: ”تئیی نِشار تامارا وتی دێم سیاه کرتگ و نون لاپی پُرّ اِنت.“ یَهودایا گوَشت: ”آییا ڈنّا در کنێت و بُن دئیێت.“

پێدایش 34:7

اَنچۆ که آکوبئے چُکّ سهیگ بوتنت، چه گیابانا پِر تَرِّتنت. پَدرد اَتنت و زهرا پُرّ اَتنت که شِکێما آکوبئے جنکّ زِنا کرتگ و اِسراییل بَنّام کرتگ. اے کار مبوتێن.

پێدایش 20:8

اَبیمَلِک سُهبا ماهلّه پاد آتک، وتی سجّهێن هِزمتکاری لۆٹاێنتنت و هرچے که بوتگ‌اَت، سجّهێن هالی داتنت. آیان سکّ تُرست.

پێدایش 20:10

اَبیمَلِکا چه اِبراهێما جُست کرت: ”تئیی دلا چے هست‌اَت که چُشِت کرت؟“

پێدایش 29:25

سُهب که بوت، آکوبا دیست که وئے، اے وَه لیاه اِنت. گڑا گۆن لابانا گوَشتی: ”اے چۆنێن کارے که تئو گۆن من کرت؟ من په راهیلا تئیی هِزمت نکرت؟ تئو چێا منا رَد دات؟“