پێدایش 20:6 - هُدائے پاکێن کتاب، بلۆچی زبانا

⁶ هُدایا گوَشت: ”هئو! منَ زانان که تئو اے کار گۆن ساپێن دلے کرتگ و من هم ترا نه‌اِشت که منی گُنهکار ببئے، پمێشکا من ترا اے جنێنئے دست جنَگا نه‌اِشت.

پێدایش 20:6 Referans Kwoze

پێدایش 35:5

نون آ راه گپتنت. هُدائے تُرسا آیانی چپّ و چاگردئے سجّهێن شهرانی سرا مان شانت و کَسّ آیانی رندا نکپت.

پێدایش 31:7

بله اَنگت شمئے پتا منا رَد داتگ و منی مُزّی دَه رندا بدل کرتگ، بله هُدایا شمئے پت نه‌اِشت که منا تاوان بدنت.

په تِسالونیکیان پولُسئے دومی کاگد 2:7

چێا که بێرهبندیئے چێرێن زۆر و واک وتی کارا چه پێسرا کنگا اِنت، بله هما که بێرهبندیئے دێما دارَگا اِنت، تانکه جندی دور کنگَ نبیت، بێرهبندیئے دێما داریت.

زَبور 84:11

که هُداوندێن رۆچ و اِسپرے، هُداوند رهمتَ بَکشیت و اِزّتَ دنت. هما که زندا په بێمئیاریَ گوازێنیت، هُداوند شرّێن چیزّان چه آییا دورَ نداریت.

دَرگوَز 34:24

من کئومان چه تئیی دێما دورَ کنان و تئیی هَدّ و سیمسران پْراه و شاهِگانَ کنان. تئو که سالے سئے رندا وتی هُداوندێن هُدائے چارگا کائے، آ وهدا کَسَّ نئیئیت و تئیی مُلکا نگیپت.

زَبور 81:12

گڑا من آ یله داتنت که وتی سِنگێن دلانی رَندگیریا بکننت، وتی جندئے راه و هئیالانی.

زَبور 51:4

من تئیی هلاپا، تهنا تئیی هلاپا گناه کرتگ و هما کارُن کرتگ که تئیی چمّا بد اِنت. پمێشکا، تئو که هبرَ کنئے برهکّ ائے و دادرسیئے وهدا بےائیب ائے.

پێدایش 39:9

اے لۆگا کَسّ چه من مستر نه‌اِنت. تئیی جندا اَبێد هچّ چیزّی چه من دور نداشتگ، چێا که تئو آییئے لۆگبانُک ائے. گڑا من چۆن چُشێن رَدێن کارے بکنان و وتا هُدائے چمّان گُنهکار بکنان؟“

پێدایش 20:18

چێا که هُداوندا اِبراهێمئے جَن سارَهئے سئوَبا اَبیمَلِکئے لۆگئے سجّهێن جنێن چُکبَند کرتگ‌اَتنت.

په تِسالونیکیان پولُسئے دومی کاگد 2:11

پمێشکا هُدا په اِشان زۆرمندێن پرێبے دێمَ دنت که درۆگا باور بکننت و

پێدایش 26:11

گڑا اَبیمَلِکا سجّهێن مردم هُکم داتنت: ”هرکَس که اے مرد و اِشیئے جَنا دستا هم پِر بکنت، آییا اَلّم مرکئے سِزا دئیگَ بیت.“

پێدایش 3:3

بله هُدایا گوَشتگ که هما درچکئے برا مئورێت که باگئے نیاما اِنت. آییا دست هم پِر مکنێت. اگن نه، مِرێت.“

مَتّا 27:19

وهدے پیلاتوس هَکدیوانا نِشتگ‌اَت، آییئے جَنا اے کُلئو راه دات که ”گۆن اے بێگناه و نێکێن مردا هچّ مکن، چێا که دۆشی من اِشیئے بارئوا سکّێن پرێشانێن وابے دیستگ.“

پێدایش 31:24

هُدا شپا لابان اَرَماییئے وابا آتک و گوَشتی: ”هَبردار! آکوبا هچّ مگوَش، نه شَرّ، نه هَراب.“