پێدایش 2:3 - هُدائے پاکێن کتاب، بلۆچی زبانا

³ گڑا هُدایا هپتمی رۆچ برکت دات، گیشّێنت و پاکێن رۆچ نامێنت، چێا که هُدایا همے رۆچا چه اے سجّهێن هستیئے جۆڑ کنگئے کارا آرام کرت.

پێدایش 2:3 Referans Kwoze

مَرکاس 2:27

پدا، گۆن آیان گوَشتی: ”هُدایا شَبَّتئے رۆچ په مردمان پێدا کرتگ، مردم په شَبَّتئے رۆچا پێدا نکرتگ‌اَنت.

لوکا 23:56

رَندا، وتی لۆگان آتکنت و وشبۆێن اَتر و رۆگنِش تئیار کرت. شَبَّتئے رۆچا، شَریَتئے رهبندئے سرا، آیان آرام کرت.

دَرگوَز 34:21

شَش رۆچا کار بکن، بله هپتمی رۆچا آرام کن. ننگار کنگئے و رۆن و مۆشئے مۆسما هم همے پئیما بکن.

دَرگوَز 23:12

شش رۆچا کار کن و هپتمی رۆچا آرام کن که تئیی گۆک و هر دَم بکننت و تئیی مۆلِدئے چُکّ و تئیی لۆگا نِشتگێن دَرامَدئے اَرواه تازَه‌دَم ببیت.

پێدایش 2:2

هپتمی رۆچا، هُدایا هما کار سَرجم کرتگ‌اَتنت که دَستا اَتنتی. وتی سجّهێن کارانی هلاسیا رند، هپتمی رۆچا آرامی کرت.

پێدایش 2:4

اے زمین و آسمانئے کِسّه اَت که جۆڑ کنگ بوتنت. آ وهدا که هُداوندێن هُدایا زمین و آسمان جۆڑ کرتنت،

پێدایش 1:31

هُدایا وتی سجّهێن جۆڑ کرتگێن چیزّ چارتنت. دیستی که اے کار سکّ شَرّ بوت. شپ گوَست و سُهب بوت. اے شَشُمی رۆچ اَت.