پێدایش 17:12 - هُدائے پاکێن کتاب، بلۆچی زبانا

¹² آیۆکێن نَسل و پَدرێچانی تها، شمئے نیاما هَمُک هَشت رۆچیگێن مردێن‌چُکّ باید اِنت سُنّت کنگ ببیت، تهنا شمئے جندئے لۆگئے چُکّ نه، هما زَرهریدێن گُلام‌چُکّ هم که شمئے نَسل و پَدرێچ نه‌اَنت و شما چه ڈنّی مردمان په بها زُرتگ‌اَنت، آ هم سُنّت کنگ ببنت.

پێدایش 17:12 Referans Kwoze

لوکا 2:21

هشتمی رۆچا، وهدے نُنُّکئے سُنّت کنگئے وهد آتک، آییئے نامِش ایسّا پِر بست، هما نام که ماتئے لاپا کپگا پێسر، پرێشتگا پِر کرتگ‌اَت.

په پیلیپیان پولُسئے کاگد 3:5

من پێدا بئیگئے هشتمی رۆچا سُنّت کنگ بوتگان. پێدائِشی اِسراییلیے آن. چه بِنیامینئے کَبیلها آن. چه هَپت پُشتا اِبرانیے آن. اگن شَریَتئے گپّ اِنت، پَریسیے آن.

لوکا 1:59

وهدے نُنُّکا هَشت رۆچ بوت، په آییئے سُنّت کنگا آتکنت. آیان نُنُّکئے نام پتئے نامئے سرا، زَکَریا پِر بندگی اَت.

پولُسئے کاگد په رومیان 2:28

چێا که یَهودی آ نه‌اِنت که سرزاهرا یَهودی اِنت و اَنچُش هم راستێن سُنّت بئیگ، سرزاهری چیزّے نه‌اِنت.

کاسِدانی کار 7:8

هُدایا گۆن اِبراهێما اَهد و کَرارے بست که آییئے نشانی مردێن‌چُکّانی سُنّت کنگ اِنت. پمێشکا، وهدے اِبراهێما اِساکێن چُکّ بوت، هشتمی رۆچا سُنّتی کرت. همے ڈئولا اِساکا وتی چُکّ آکوب و آکوبا وتی دوازدهێن چُکّ، که مئے کئومئے کَبیلهانی بُنپیرُک اَنت، سُنّت کرتنت.

پێدایش 21:4

اِساکئے اُمر که هشت رۆچ بوت، اِبراهێما سُنّت کناێنت، هما پئیما که هُدایا هُکم داتگ‌اَت.

پێدایش 17:23

هما رۆچا اِبراهێما وتی چُکّ اِسماێل، وتی لۆگا پێدا بوتگێن سجّهێن مَردێن و زَرهریدێن گُلام، لۆگئے سجّهێن مَردێن زُرت و سُنّت کناێنتنت، هما پئیما که هُدایا گوَشتگ‌اَت.

دَرگوَز 12:44

زَرهریدێن گُلام وارتیَ کنت بله چه سُنّت بئیگا رند.

دَرگوَز 22:30

وتی گۆک و پَسانی ائولی نَرێن چُکّا هم بدئے. آیانی ائولی چُکّان تان هپت رۆچا ماتئے کِرّا بِلّ و هشتمی رۆچا منااِش بدئے.