پێدایش 16:7 - هُدائے پاکێن کتاب، بلۆچی زبانا

⁷ هُداوندئے پرێشتگا هاجِر گیابانا، چَمّگێئے کِرّا دیست. اے هما چَمّگ اِنت که شورئے راهئے سرا اِنت.

پێدایش 16:7 Referans Kwoze

دَرگوَز 15:22

گڑا موسّایا اِسراییلیانی رهشۆنی کرت. آ چه سُهرزِرئے تئیابا پاد آتک و شورئے گیابانا شُتنت. تان سئے رۆچا گیابانا سپرِش کرت بله هچّ آپِش ندیست.

پێدایش 25:18

آییئے اۆبادَگ، مِسرئے سیمسرا که دێم په آشورا رئوئے، چه هئویلَها بگر تان شورئے زمینا جَهمنند بوتنت. آ گۆن وتی سجّهێن براتان اَڑِتگ‌اَتنت.

پێدایش 21:17

هُدایا چُکّئے تئوار اِشکت و هُدائے پرێشتگا چه آسمانا هاجِر گوانک جت و گوَشت: ”هاجِر! ترا چے بوتگ؟ متُرس. چُکّ هما جاگها که اێر اِنت، هُدایا آییئے تئوار چه همۆدا اِشکتگ.

پێدایش 31:11

گڑا هُدائے پرێشتگا وابئے تها منا گوَشت: ’آکوب!‘ من گوَشت: ’جی.‘

پێدایش 22:15

هُداوندئے پرێشتگا پدا اِبراهێم چه آسمانا گوانک جت.

پێدایش 22:11

بله هُداوندئے پرێشتگا چه آسمانا اِبراهێم تئوار کرت: ”اِبراهێم! او اِبراهێم!“ اِبراهێما پَسّئو دات: ”جی!“

پێدایش 20:1

اِبراهێم چه اۆدا لڈِّت و نِگێبئے دَمگا شت و کادِش و شورئے نیاما جَهمنند بوت. تان چیزّے وهدا گِرارا دَرامدێئے پئیما زندی گوازێنت.

پێدایش 21:18

پاد آ، چُکّا چست کن، دستایی گِر که من آییا مزنێن کئومے کنان.“

پێدایش 21:19

هُدایا هاجِرئے چمّ پَچ کرتنت و هاجِرا آپئے چاتے دیست. شت و مَشکی پُرّ کرت و چُکّی آپ دات.

پێدایش 24:7

هُداوند، آسمانئے هُدا، هما که منا چه منی پتئے لۆگ و منی پێدائِشئے مُلکا اِدا آورتی، هما هُدا که گۆن من هبری کرت، کَسم و سئوگِندی وارت و کئولی کرت که ’چه منی نێمگا اے سرڈگار تئیی نَسل و پَدرێچئیگ اِنت‘، هما هُدا وتی پرێشتگا چه تئو پێسر راهَ دنت که تئو چه اۆدا په منی چُکّا جَنے در گێتک بکنئے.

دَرگوَز 3:2

هُداوندئے پرێشتگ چه ڈۆلُکێئے نیاما، آسئے شَمالَهێئے تها آییئے دێما زاهر بوت. موسّایا دیست که ڈۆلُک بُن اِنت، بله سُچَگ و پُر بئیگا نه‌اِنت.