پێدایش 15:13 - هُدائے پاکێن کتاب، بلۆچی زبانا

¹³ گڑا هُداوندا گوَشت: ”دلجم بئے و بزان که تئیی نَسل و پَدرێچ اَنچێن سرڈگارێا دَرامَدێئے پئیما جَهمنندَ بیت که آ مُلک آیانی نه‌اِنت. تئیی اۆبادَگ اۆدا گُلامَ بنت و تان چار سد سالا زُلم و زۆراکیئے آماچَ بنت.

پێدایش 15:13 Referans Kwoze

دَرگوَز 1:11

بادشاه و آییئے مَنسبداران، بیگارگیر اِشانی کارمستر کرتنت که اِشانی سرا زۆراکی بکننت و گرانێن کارِش ببندنت. بنی اِسراییلیان په پِرئونا دو شهر اَڈّ کرت. یکّێئے نام پیتوم اَت و یَکّێئے رَمِسێس. دوێن اَمباری شهر اَتنت.

کاسِدانی کار 7:17

وهدے گۆن اِبراهێما، هُدائے داتگێن کئولئے سَرجم بئیگئے وهد نزّیکّ بوت، مِسرا مئے مردم باز گێشتر بوتنت.

په گَلاتیان پولُسئے کاگد 3:17

منی هبرئے مکسد اِش اِنت که شَریَت که چار سَد و سی سالا پد آتک، آ اَهد و پئیمانا ناکارَ نکنت که هُدایا چه پێسرا گیشّێنتگ و اے پئیما هُدائے کئولا هم ناکارَ نکنت.

پێدایش 17:8

من کَنهانئے سجّهێن سرڈگارا، که انّون تئو اِدا دَرامَدے ائے، تئیی و چه تئو رند تئیی نَسل و پَدرێچئے اَبَدی مِلکتَ کنان و آیانی هُدا بان.“

دَرگوَز 23:9

دَرامَدێئے سرا زُلم مکن. چێا که تئو زانئے دَرامَد بئیگ چۆن گران اِنت. شما وت هم مِسرا دَرامَد اتێت.“

دَرگوَز 22:21

گۆن دَرامَدێا بدی مکن و آزاری مدئے، چێا که شما وت مِسرا دَرامَد بوتگێت.

پێدایش 15:16

تئیی پَدرێچ، چارمی نَسلا اِدا پرَ ترّیت چێا که اَموریانی بَدکاری اَنگت پوره و سَرجم نبوتگ.“

پێدایش 47:4

آیان گۆن پِرئونا چُش هم گوَشت: ”ما آتکگێن که چیزّے وهدا همِدا بنندێن، چێا که کَنهانا سکّێن مزنێن ڈُکّالے کپتگ و په تئیی کَسترانی رمگان کهچر و چراگاه نێست. مئے دَزبندی اِنت، وتی کَستران رزا بدئے که گۆشِنا جَهمنند ببنت.“

دَرگوَز 1:13

مِسریان اِسراییلی په بێرَهمی کارَ بَستنت.

دَرگوَز 2:24

هُدایا آیانی نالَگ اِشکتنت و وتی هما اَهد و پئیمانئے ترانَگا کپت که گۆن اِبراهێم و اِساک و آکوبا بَستگ‌اَتی.

دَرگوَز 3:8

من اێر آتکگان که آیان چه مِسریانی دستا برَکّێنان و چه اے مُلکا، شَرّێن و پراه و شاهِگانێن مُلکێا ببَران، اَنچێن مُلکێا که اۆدا شیر و بێنَگئے جۆ تچگا اَنت، کَنهانی و هیتّی و اَموری و پِریزّی و هێوی و یَبوسیانی مُلکا.

دَرگوَز 3:10

برئو، من ترا پِرئونئے کرّا راهَ دئیان، منی کئوم بنی اِسراییلا بزور و چه مِسرا در آ.“

دَرگوَز 3:17

من کئولَ کنان که شمارا چه اے بزّگیا درَ کنان که مِسرا شمئے سرا آتکگ و شمارا کَنهانی و اَموری و پِریزّی و هێوی و یَبوسیانی مُلکا بَران، هما مُلکا که شیر و بێنگئے جۆ تچگا اَنت.

زَبور 105:42

چێا که وتی پاکێن کئولی یات اَت که گۆن وتی هزمتکارێن اِبراهێما کرتگ‌اَتی.

دَرگوَز 1:14

هِشت و بَتانَهئے اَڈّ کنگِشَ پرماتنت و ڈگارانی سرا هر دابێن گرانێن کارِشَ گپتنت و آیانی زندگی‌اِش اَزاب کرت. سجّهێن کارِش په بێرَهمی پرماتنت.