پێدایش 1:31 - هُدائے پاکێن کتاب، بلۆچی زبانا

³¹ هُدایا وتی سجّهێن جۆڑ کرتگێن چیزّ چارتنت. دیستی که اے کار سکّ شَرّ بوت. شپ گوَست و سُهب بوت. اے شَشُمی رۆچ اَت.

پێدایش 1:31 Referans Kwoze

په تیموتاووسا پولُسئے ائولی کاگد 4:4

هُدائے جۆڑ کُرتگێن هر چیزّ شرّ اِنت و چیزّے که یکّێا رسیت، باید اِنت په شُگرگُزاری بزوریتی و دئوری مدنت،

زَبور 104:24

او هُداوند! تئیی کار چینکدر باز اَنت، تئو، اے سجّهێن په هکمت اڈّ کرتگ‌اَنت، زمین چه تئیی جۆڑ کرتگێنان پُرّ اِنت.

دَرگوَز 20:11

چێا که هُداوندا شَش رۆچا آسمان، زمین، دریا و هرچے که اِشانی تها هست، اَڈّ کرتنت و هپتمی رۆچا آرامی کرت، پمێشکا هُداوندا شَبَّتئے رۆچ برکت داتگ و گِچێنی و پاکێن رۆچے جۆڑ کرتگ.

زَبور 104:31

هُداوندئے شان تان اَبد بمانات، هُداوند چه وتی کاران شادمان بات.

پێدایش 2:2

هپتمی رۆچا، هُدایا هما کار سَرجم کرتگ‌اَتنت که دَستا اَتنتی. وتی سجّهێن کارانی هلاسیا رند، هپتمی رۆچا آرامی کرت.

پێدایش 1:23

شپ گوَست و سُهب بوت. اے پنچمی رۆچ اَت.

پێدایش 1:8

هُدایا کُبّهئے نام ”آسمان“ کرت. شپ گوَست و سُهب بوت. اے دومی رۆچ اَت.

پێدایش 1:5

هُدایا رُژنئے نام ”رۆچ“ کرت و تهاریئے نام ”شپ“. شپ گوَست و سُهب بوت. اے ائولی رۆچ اَت.

پێدایش 1:19

شپ گوَست و سُهب بوت. اے چارمی رۆچ اَت.

پێدایش 1:13

شپ گوَست و سُهب بوت. اے سئیمی رۆچ اَت.

په تیموتاووسا پولُسئے ائولی کاگد 4:5

چێا که گۆن هُدائے هبرا و گۆن باوَرمندئے دْوایا پاک و پلگار کنگ بوتگ.

دَرگوَز 31:17

اے تان اَبد منی و اِسراییلئے نیامئے اَهد و کَرارئے نشانیَ بیت، چێا که منِ هُداوندا شش رۆچا زمین و آسمان اَڈّ کرتنت و هپتمی رۆچا آرام کرت و تازه‌دَم بوتان.‘“

زَبور 104:28

تئو که دئیئے‌اِش، آاِش یکجاهَ کننت، تئو که وتی دستا پچَ کنئے، اے چه شَرّێن چیزّان سێرَ بنت.

زَبور 119:68

تئو نێک ائے و نێکیَ کنئے، وتی هُکمان منا سۆج دئے.

پێدایش 2:3

گڑا هُدایا هپتمی رۆچ برکت دات، گیشّێنت و پاکێن رۆچ نامێنت، چێا که هُدایا همے رۆچا چه اے سجّهێن هستیئے جۆڑ کنگئے کارا آرام کرت.