پێدایش 1:14 - هُدائے پاکێن کتاب، بلۆچی زبانا

¹⁴ هُدایا گوَشت: ”آسمانئے کُبّها رُژناێن چیزّ مان ببیت که رۆچا چه شپا جتا بکننت. اے رُژناێن چیزّ مۆسم، رۆچ و سالانی نشانی ببنت.

پێدایش 1:14 Referans Kwoze

زَبور 148:3

او ماه! او رۆچ! آییا ستا کنێت. او سجّهێن دْرپشناکێن اِستاران! آییا ستا کنێت.

زَبور 148:6

هماییا اے سجّهێن، اَبد تان اَبد برجاه داشتگ‌اَنت و اَنچێن هُکمے داتی که هچبر دئور دئیگ و ناکار کنگَ نبیت.

زَبور 81:3

ماهئے نۆکا، گوَرانڈئے کانٹئے تئوارا بُرز کنێت، ماهئے چاردها، مئے پاکێن اییدا.

پێدایش 8:22

تان هما وهدا که زمین هست‌اِنت کِشت و کِشار و رۆن و مۆشئے وهد، سارتی و گَرمی، گرماگ و زمستان و رۆچ و شپَ نه‌اۆشتنت.“

مَتّا 24:29

آ رۆچانی سکّی و سۆریان و رَند، یکّ اَناگت رۆچ تهارَ بیت، ماهَ ندْرپشیت و ماهکانیَ نبیت، اِستار هم چه آسمانا کپنت و آسمانی زۆر و واک، لَرزێنگَ بنت.

اِلهام 6:12

من چارگا اَتان، وهدے گوَرانڈا ششمی مُهر پَچ کرت، مزنێن زمین‌چَنڈے آتک. رۆچ چه مودا اَڈّ کرتگێن پُرسی گُدئے ڈئولا سیاه بوت، چاردهی ماه چۆ هۆنا سُهر ترِّت و

مَتّا 2:2

جُستِش گپت: ”هما نُنُّک که په یَهودیانی بادشاهیا پێدا بوتگ، کجا اِنت؟ ما آییئے اِستار در آیگا دیستگ و په آییئے پرستش کنگا آتکگێن.“

پێدایش 9:13

من وتی سَنج، جمبرانی تها اێر کرتگ و اے، منی و زمینئے نیاما بوتگێن اَهد و پئیمانئے نشانیَ بیت.

اِلهام 8:12

چارمی پرێشتگا وتی کَرنا جت. رۆچئے سئےیکّ، ماهئے سئےیکّ و اِستارانی سئےیکّ اَنچُش جنَگ بوت که سئےیکِّش تهار بوت. رۆچا هم وتی رُژناییئے سئےیکّ گار دات و شپا هم وتی رُژناییئے سئےیکّ گار دات.

لوکا 23:45

چێا که رۆچئے دْرپشگ بند بوتگ‌اَت و مزنێن پرستشگاهئے پرده چه نیاما دِرت و دو نێم بوت.

مَرکاس 13:24

آ رۆچان، چه اے سکّی و سۆریان و رَند، رۆچ تهارَ بیت، ماهَ ندْرپشیت و ماهکانیَ نبیت،

زَبور 119:91

تئیی هُکم تان رۆچِ مرۆچیگا برجاه اَنت چێا که سجّهێن چیزّ تئیی هزمتا کننت.

اِلهام 9:2

اِستارا جُهلێن تَهتَرونئے چاتئے دپ پَچ کرت. نون چه چاتا دوتّ چست بوت، گوَشئیگا چه مزنێن کورَهێا دوتّ در آیگا اَت. چه چاتا در آیۆکێن دوتّان رۆچ و آسمانئے دێم تهار کرتنت.

پێدایش 1:13

شپ گوَست و سُهب بوت. اے سئیمی رۆچ اَت.

پێدایش 1:15

اے، کُبّها نور جۆڑ ببنت و زمینا رُژنا بکننت“ و اَنچُش بوت.

زَبور 150:1

هُداوندا بنازێنێت، هَلّێلویا. هُدایا آییئے پاکێن اَرشا ستا کنێت، آییئے زۆر و واکئے آسمانان.