په گَلاتیان پولُسئے کاگد 6:12 - هُدائے پاکێن کتاب، بلۆچی زبانا

¹² هما که مردمان گۆن جسمی کاران وشّ کنگئے جُهدا اَنت، شمارا په سُنّت و بُرُّکا مجبور کنگا اَنت. اے مردم تهنا پمێشکا چُش کنگا اَنت که وتا چه هما آزاران برَکّێننت که مَسیهئے سَلیبئے سئوَبا رسنت.

په گَلاتیان پولُسئے کاگد 6:12 Referans Kwoze

په گَلاتیان پولُسئے کاگد 5:11

او براتان! من وَه نون سُنّت کنگئے وازا کنگا نه‌آن و پمێشکا آزار دئیگ بئیگا آن. اگن من سُنّت کنگئے واز بکرتێن، گڑا چه سَلیبئے پئیگاما کَسّا بَد نبُرتگ‌اَت.

کاسِدانی کار 15:1

چه یَهودیَها لهتێن مردم اَنْتاکیَها آتک و براتِش تالیم داتنت و گوَشتِش: ”تان وهدے شما موسّائے شَریَتئے رَندگیریا سُنّت و بُرُّک مکنێت، رَکّتَ نکنێت.“

په گَلاتیان پولُسئے کاگد 2:3

تیتوس هم که منی همراه اَت، بِلّ تُرے یونانیے اَت، بله په سُنّتا مجبور کنگ نبوت.

لوکا 16:15

ایسّایا گوَشت: ”شما هما اێت که مردمانی دێما وتا تچک و پهرێزکار پێشَ دارێت، بله هُدا چه شمئے دلئے هالان سَهیگ اِنت. شمارا بگوَشان، هما چیزّ که مردمانی گوَرا باز کیمّتی اِنت، هُدا چه آ چیزّا سکّ بێزار اِنت.

په پیلیپیان پولُسئے کاگد 3:18

چێا که هما پئیما که من شمارا باز رندا گوَشتگ و انّون گۆن ارسیگێن چمّے گوَشان، بازێنے مَسیهئے سلیبئے دُژمنیا کنت.

په پیلیپیان پولُسئے کاگد 2:4

هرکَس وتی نَپ و سوتّانی بدلا، دگرانی نَپ و سوتّانی هئیالا بداریت.

په پیلیپیان پولُسئے کاگد 1:15

اے راست اِنت که لهتێن چه زِدّ و هَسَدّا مَسیهئے پئیگاما جار جنَگا اِنت، بله دگه لهتێن اے کارا په دل و سِتک کنگا اِنت.

په گَلاتیان پولُسئے کاگد 6:13

هما مردم که سُنّت بوتگ‌اَنت هم، آ وت شَریَتئے پابندیا کرتَ نکننت، بله اَنگت لۆٹنت که شما سُنّت کنگ ببێت که آ شمئے سُنّت کنگئے سرا پَهر ببندنت و وتی تئوسیپا بکننت.

په گَلاتیان پولُسئے کاگد 2:14

بله وهدے من دیست که اے مردم وَشّێن مِستاگئے راستێن راها رئوَگا نه‌اَنت، سجّهێنانی دێما گۆن کێپایا گوَشتُن: ”تئو وت یَهودیے ائے و اَنگت وتی زندا یَهودیانی ڈئولا نگوازێنئے، درکئومانی ڈئولا گوازێنئے، گڑا درکئومان پرچا هُجَّ کنئے که یَهودیانی ڈئولا زند بگوازێننت؟“

کاسِدانی کار 15:5

بله لهتێن باوَرمند که پێشا پَریسیانی رُمبا بوتگ‌اَتنت، پاد آتکنت و گوَشتِش: ”هما سجّهێن درکئوم که ایمانِش آورتگ، باید سُنّت و بُرُّک کنگ ببنت و هُکم دئیگ ببیت که موسّائے شَریَتئے رَندگیریا بکننت.“

یوهَنّا 7:18

هرکَس که چه وت هبرَ کنت، په وتی مزنیئے پێش دارگا هبرَ کنت. بله آ کَس که وتی دێم دئیۆکئے شان و شئوکتئے لۆٹۆکَ بیت، تچکێن مردمے و آییئے هچّ چیزّ ناراست نه‌اِنت.

لوکا 20:47

جنۆزامانی لۆگان گۆن مالواریا برنت و په پێش دارگا وتی دْوا و سَنایان دْراجکَشَّ کننت. اِشان سکترێن سِزا و پدمُزَّ رسیت.“

مَتّا 23:28

همے ڈئولا شما هم سرزاهرا مردمانی چمّا تچک و پهرێزکارێن مردم اێت بله شمئے دل چه شَتَلکاری و ناشَریا سررێچ اِنت.

مَتّا 23:5

آ هرچے که کننت، په مردمانی پێش دارگا کننت و بَسّ. وتی تاییتان مزنَ کننت و کباهئے لَمبان دْراجکَشّ.

مَتّا 6:16

وهدے رۆچگَ بێت، دورو و دوپۆستێن مردمانی ڈئولا وتی دێما تابان و گمناک مکنێت. آ وتی روا گیمُّرێننت و مونجا کننت تان مردم بزاننت رۆچگ اَنت. شمارا راستێنَ گوَشان، مُزّے که آیان رَسگی اَت، رَستِش.

مَتّا 6:2

وهدے چیزّے هئیراتَ کنئے، گڑا جار مجن و ڈَنڈۆر مکن. دورو و دوپۆستێن مردم، کَنیسَه و کوچه و دَمْکانی تها اے ڈئولا کننت تانکه مردم آیان ستا بکننت و بساڑاینت. شمارا راستێنَ گوَشان، مُزّے که آیان رَسگی اَت، رَستِش.

مَتّا 6:5

وهدے دْوا کنێت، گڑا دورو و دوپۆستێن مردمانی ڈئولا مکنێت، چێا که آیان کَنیسَهانی تها و چارراهانی سرا اۆشتگ و دْوا کنگ دۆستَ بیت، تانکه مردم آیان بگندنت. شمارا راستێنَ گوَشان، مُزّے که آیان رَسگی اَت، رَستِش.

مَتّا 5:10

بَهتاور اَنت هما که په هُدائے راهئے گِرَگا بُهتام جنَگ و آزار دئیگَ بنت، چێا که آسمانی بادشاهی همایانیگ اِنت.

مَتّا 23:27

بَژن و اَپسۆز په شما، او شَریَتئے زانۆگران و پَریسیان! او دوپۆستێن شَتَلکاران! شما اِسپێتێن گَچ جتگێن کَبرانی پئیما اێت که سرزاهرا ڈئولدار اَنت، بله تۆکا، چه مُردگانی هَڈّ و هر پئیمێن گَند و گَسڑا پُرّ اَنت.