په گَلاتیان پولُسئے کاگد 4:30 - هُدائے پاکێن کتاب، بلۆچی زبانا

³⁰ بله پاکێن کتاب چے گوشیت؟ ”مۆلِدێن جن و آییئے چُکّا گَلّێن، چێا که مۆلِدێن جنئے چُکّ گۆن آزاتێن جنئے چُکّا هچبر هم‌میراسَ نبیت.“

په گَلاتیان پولُسئے کاگد 4:30 Referans Kwoze

یوهَنّا 8:35

گُلام دائِما واجهئے لۆگا نمانیت، بله چُکّ دائِما مانیت.

آکوب 4:5

هئیالَ کنێت که پاکێن کتابا مُپت و ناهودگ گوَشتگ: ”روهے که هُدایا مئےشمئے جسم و جانا دَمِتگ، تان هَسَدّئے کِساسا په ما هُدۆناک اِنت“؟

په گَلاتیان پولُسئے کاگد 3:22

بله پاکێن کتابَ گوَشیت که هر اِنسان گناهئے بندیگ اِنت. بسّ ایسّا مَسیهئے سرا باوَر کنگئے سئوَبا واده هما مردمان دئیگَ بیت که مَسیهئے سرا ایمانَ کارنت.

په گَلاتیان پولُسئے کاگد 3:8

پاکێن کتابا پێشگۆیی کرت که هُدا چۆن درکئومان ایمانئے سئوَبا بێگناه و بێمئیارَ کنت. هُدایا اِبراهێمئے کِرّا وشّێن مِستاگئے جار پێسرا جت، گوشتی: ”دنیائے سجّهێن کئوم تئیی سئوَبا برکتَ گِرنت.“

پولُسئے کاگد په رومیان 11:2

هُدایا وتی کئوم که چه پێسرا زانتگ، دئور نداتگ. نزانێت پاکێن کتاب اِلیاس نَبیئے بارئوا چے گوَشیت؟ آ، چِه پئیما اِسراییلئے هلاپا هُدائے کِرّا دَزبندیَ کنت؟

پولُسئے کاگد په رومیان 4:3

پاکێن کتاب چے گوَشیت؟ اِبراهێما هُدائے سرا باور کرت و همے باور په آییا، پاکی و پَلگاریے هساب بوت.

په گَلاتیان پولُسئے کاگد 4:22

چێا که پاکێن کتابا نبشته اِنت که اِبراهێما دو مردێن‌چُکّ هست‌اَت، یکّے چه مۆلِدێن جنا و یکّے چه آزاتێنا.

په گَلاتیان پولُسئے کاگد 4:31

گڑا، براتان! ما مۆلِدێن جنئے چُکّ نه‌اێن، آزاتێن جنئے چُکّ اێن.