په گَلاتیان پولُسئے کاگد 2:2 - هُدائے پاکێن کتاب، بلۆچی زبانا

² اِلهامێئے سئوَبا شُتان و وشّێن مِستاگ آیانی دێما بئیانُن کرت، هما مِستاگ که من په درکئومان جار جنگا آن. هما مردم که کلیسائے سرۆک زانگَ بوتنت، من گۆن آیان جتا گِند و نِند کرت، تانکه بزانان که بێپائِدگێن تَچ و تاگے کنگا نبوتگان و نه‌آن.

په گَلاتیان پولُسئے کاگد 2:2 Referans Kwoze

په گَلاتیان پولُسئے کاگد 2:6

آ که کلیسائے تها سرۆک زانَگَ بوتنت، آیان منی تالیمانی تها هچّ چیزّ گێش نکرت. چۆناها هم منی کرّا اے گپّا هچّ اَرزش نێست‌اَت که آ چینچُک نامدار اَنت، چێا که هُدا رو و ریا نکنت.

په تِسالونیکیان پولُسئے ائولی کاگد 3:5

پمێشکا، وهدے من گێشتر سَگِّت نکرت، په شمئے ایمانئے هالئے گِرگا یکّے دێمُن دات. منا ترست که بلکێن چَکّاسۆکێن شئیتانا وڑے نه وڑێا شمارا چَکّاسا دئور داتگ و مئے جُهد مُپت و ناهودگ بوتگ.

په گَلاتیان پولُسئے کاگد 2:9

آکوب و کێپا و یوهَنّا که کلیسائے مِنُک زانگَ بوتنت، وهدے سرپد بوتنت که منا رهمتئے اے سئوگات رستگ، وتی راستێن دستِش منی و بارنابائے نێمگا په همکاریا شهارت که ما درکئومانی کرّا برئوێن و آ، سُنّت کرتگێنانی کرّا برئونت.

کاسِدانی کار 15:12

پِتْرُسئے هبرانی اِشکنگا رَند، سَرجمێن مُچّی بێتئوار بوت و بارنابا و پولُسئے گپّ و تْرانِش گۆش داشتنت، که هُدایا چه آیانی دستا، درکئومانی نیاما چۆنێن مۆجزه و اَجِکّایی پێش داشتگ.

کاسِدانی کار 15:4

وهدے اورشَلیما آتک و رَستنت، کِلیسا و کاسِد و کماشان وشّاتک کرتنت. هر کارے که هُدایا چه آیانی دستا کناێنتگ‌اَت، هالِش داتنت،

په پیلیپیان پولُسئے کاگد 2:29

گڑا په هُداوندئیگی آییا په گَلے وشّاتک بکنێت و آییئے ڈئولێن مردمان اِزّت بدئیێت.

په گَلاتیان پولُسئے کاگد 1:16

که وتی چُکّا په من زاهر بکنت تانکه من درکئومان آییئے چُکّئے مِستاگا سر بکنان. آ وهدی من اِشتاپ اِشتاپا چه کَسّا سر و سۆج نگِپت و

کاسِدانی کار 23:11

هما شپا هُداوندێن ایسّا پولُسئے دێما آتک و اۆشتات. گوَشتی: ”او پولُس! دلا مزن کن، اَنچُش که تئو اورشَلیمئے شهرا په منی مِستاگا شاهدی داتگ، همے ڈئولا رومئے شهرا هم ترا شاهدی دئیگی اِنت.“

کاسِدانی کار 18:9

یکّ شپے، هُداوندێن ایسّا، پولُسئے شُبێنا آتک و گوَشتی: ”متُرس، منی مِستاگا شِنگ و تالان کنان کن. بێتئوار مبئے.

کاسِدانی کار 5:34

بله گامالیال نامێن پَریسیے که شَریَتئے استاد و سرۆکانی دیوانئے باسک و سجّهێن مردمانی چمّان شرپدارێن مردے اَت، دیوانا پاد آتک و هُکمی کرت: ”اے مردان یکّ دمانے ڈنّا ببرێت.“

مَتّا 10:16

گۆش دارێت! من شمارا رئوانَ کنان، بله شما اَنچُشَ بێت که گُرکانی نیاما پَس. پمێشکا مارانی ڈئولا هُژّار و کپۆدرانی ڈئولا ساده ببێت.

کاسِدانی کار 15:2

پولُس و بارنابایا، اے سرهالئے سرا گۆن آیان دَپجاک کرت و سکّ ناتِپاک بوتنت. گڑا شئورِش کرت که پولُس و بارنابا گۆن دگه لهتێنا، اورشَلیما برئونت و گۆن کاسِد و کماشان اے جێڑهئے بارئوا هبر بکننت.

پولُسئے کاگد په رومیان 9:16

بزان، اے اِنسانئے واهگ و وَس کنگئے سرا نبیت، رَهم کنگ هُدائے دستا اِنت.

په گَلاتیان پولُسئے کاگد 1:6

من هئیران آن که شما په دگه ”وشّێن مِستاگێا“ چۆن زوتّ هما هُدایا یله کنگا اێت که شمارا تئواری کرتگ که مَسیهئے رهمتانی چێرا زند بگوازێنێت.

په گَلاتیان پولُسئے کاگد 1:12

چێا که اے مِستاگ منا چه اِنسانێئے نێمگا نرستگ و نه که کَسێا منا درس داتگ، اے منا چه ایسّا مَسیهئے نێمگا اِلهامێا رستگ.

په گَلاتیان پولُسئے کاگد 5:7

شما شَرّ دێما رئوان اَتێت. کئیا شمارا چه راستیئے پرمانبرداریا داشت؟

په تیموتاووسا پولُسئے دومی کاگد 4:7

من وتی نێکێن جُهد کرتگ، من وتی زندئے تاچ و مئیدان سَرجم کرتگ و وتی ایمانئے سرا اۆشتاتگان.