په گَلاتیان پولُسئے کاگد 1:6 - هُدائے پاکێن کتاب، بلۆچی زبانا

⁶ من هئیران آن که شما په دگه ”وشّێن مِستاگێا“ چۆن زوتّ هما هُدایا یله کنگا اێت که شمارا تئواری کرتگ که مَسیهئے رهمتانی چێرا زند بگوازێنێت.

په گَلاتیان پولُسئے کاگد 1:6 Referans Kwoze

زَبور 106:13

بله زوتّ بێهئیال بوتنت که آییا چے کرتگ‌اَت و په آییئے شئور و سَلاها ودارِش نکرت.

په تیموتاووسا پولُسئے ائولی کاگد 1:3

هما وهدا که مَکدونیَها رئوگا اَتان، من گۆن تئو دزبندی کرت و انّون هم گوَشان که اِپێسُسئے شهرا بدار و لهتێن مردم که درۆگێن تالیم دئیگا اِنت، آیان هُکم بدئے که وتی اے کارا بند بکننت و

کاسِدانی کار 15:11

اِنّه! مارا باور اِنت، اَنچُش که ما گۆن هُداوندێن ایسّائے مِهر و رهمتئے تُهپَها رَکّێن، همے ڈئولا آ هم رَکّنت.“

په گَلاتیان پولُسئے کاگد 5:4

شما که گۆن شَریَتئے دارگا وتا بێگناه و بێمئیار کنگَ لۆٹێت، بزان شما چه مَسیها سِندگ بوتگێت. شما چه هُدائے رهمتان دور بوتگێت.

پولُسئے کاگد په رومیان 10:3

چه آ پاکی و پَلگاریا ناسَهیگ و ناسَرپد اَتنت که چه هُدائے نێمگا اِنت و وتی جندئے پاکی و پَلگاریئے جۆڑێنگئے جُهدا اَتنت، پمێشکا وتا آ پاکی و پَلگاریئے دستا نداتگِش که چه هُدائے نێمگا اِنت.

په تیموتاووسا پولُسئے ائولی کاگد 1:14

هئو، مئے هُداوندئے رهمتان منی سرا بێکساس گوَرت. منا چه هما ایمان و مِهرا سَررێچی کرت که چه ایسّا مَسیهئے نێمَگا رسنت.

اِلهام 22:21

هُداوندێن ایسّائے رهمت گۆن شما سجّهێنان بات. اَنچُش بات. آمین.

په تیموتاووسا پولُسئے دومی کاگد 2:1

او منی چُکّ! گڑا تئو هما رهمتئے برکتا که مارا چه ایسّا مَسیهئے نێمگا رسیت، وتا مُهر و مُهکم بدار.

په تیموتاووسا پولُسئے دومی کاگد 1:9

هُدایا مارا نجات داتگ و په پاکێن زندێا گْوانک جتگ. مارا مئے کرتگێن کارانی سئوَبا گوانکی نجتگ، وتی جندئے اِراده و رهمتئے بُنیادا گوانکی جتگ و اے رهمت مارا ایسّا مَسیهئے برکتا، چه اَزلا دئیگ بوتگ و

په تِسالونیکیان پولُسئے دومی کاگد 2:14

په اے کارا، هُدایا شمارا مئے وشّێن مِستاگئے برکتا تئوار کرتگ که شما مئے هُداوندێن ایسّا مَسیهئے شان و شئوکتا بَهرَمند ببێت.

پولُسئے کاگد په رومیان 5:2

چه ایسّا مَسیهئے راها، اے رهمتئے دروازگ هم په ما پَچ کنگ بوتگ و انّون رهمتانی ساهگا اۆشتاتگێن، وتی اے اُمێتئے سرا گَل و شادهی هم کنێن که هُدائے شان و شئوکتا شریکدارَ بێن.

یوهَنّا 9:30

مردا گوَشت: ”اے اَجَبێن هبرے. آییا منی چمّ رُژنا کرتگ‌اَنت و شما نزانێت که چه کجا آتکگ.

پِتْرُسئے دومی کاگد 1:3

آییا گۆن وتی هُدایی واک و کدرتا، مارا هر زلوریێن چیزّ په اَنچێن زِندێا داتگ که هُدایا پسند اِنت. اے چیزّ مارا چه هماییئے پَجّاه آرگا رَستگ که گۆن وتی نێکی و شان و شئوکتا مارا گْوانکی جتگ.

پِتْرُسئے ائولی کاگد 1:15

هما ڈئولا که شمئے گْوانک جنۆک پاک اِنت، هر کارئے تها شما هم پاک ببێت.

مَرکاس 6:6

ایسّا، چه آیانی ناباوریا هئیران اَت. رَندا، ایسّایا اے دگه مێتگ و آبادیان ترّ و گردَ کرت و مردمی سَبکَّ داتنت.

پولُسئے کاگد په رومیان 8:28

ما زانێن، هُدا سجّهێن چیزّان په وتی دۆست دارۆکانی شَرّی و اێمنیا کارَ بندیت، په همایان که هُدائے مکسدا گْوانک جنَگ بوتگ‌اَنت.

پولُسئے کاگد په رومیان 8:30

آ که هُدایا چه پێسرا گیشّێنتنت، گْوانکی هم جتنت، آ که هُدایا گْوانک جتنت، پاک و پَلگاری کرتنت و آ که پاک و پَلگاری کرتنت، شان و شئوکتی هم داتنت.

په گَلاتیان پولُسئے کاگد 1:7

البت دگه وشّێن مِستاگ نێست، بله لهتێن مردم هست که شمارا مان گیشّێنَگا اَنت و مَسیهئے وشّێن مِستاگا بدل کنگَ لۆٹنت.

په گَلاتیان پولُسئے کاگد 1:11

او براتان! شمارا گوَشان، هما وشّێن مِستاگ که من شمئے کِرّا جار جتگ، اِنسانئے سازتگێنے نه‌اِنت.

په گَلاتیان پولُسئے کاگد 1:15

بله هُدایا که منا چه ماتئے لاپا گچێن کرتگ‌اَت، چه وتی رهمتئے برکتا منا تئوار جت و پئیسله‌ای کرت

په گَلاتیان پولُسئے کاگد 2:2

اِلهامێئے سئوَبا شُتان و وشّێن مِستاگ آیانی دێما بئیانُن کرت، هما مِستاگ که من په درکئومان جار جنگا آن. هما مردم که کلیسائے سرۆک زانگَ بوتنت، من گۆن آیان جتا گِند و نِند کرت، تانکه بزانان که بێپائِدگێن تَچ و تاگے کنگا نبوتگان و نه‌آن.

په گَلاتیان پولُسئے کاگد 2:5

بله ما په دمانێا هم آیانی دێما سر جهل نکرت تانکه وشّێن مِستاگئے راستی په شما بمانیت.

په گَلاتیان پولُسئے کاگد 2:7

منی تالیمانی تها چیزّے گێش کنگئے بدَلا، آ سرپد بوتنت که سُنّت نکرتگێنانانی کرّا وشّێن مِستاگئے جار جنگئے زِمّه منا دئیگ بوتگ، اَنچُش که سُنّت کرتگێنانی کرّا اے جارئے جنگئے زِمّه پِتْرُسا دئیگ بوتگ.

په گَلاتیان پولُسئے کاگد 2:14

بله وهدے من دیست که اے مردم وَشّێن مِستاگئے راستێن راها رئوَگا نه‌اَنت، سجّهێنانی دێما گۆن کێپایا گوَشتُن: ”تئو وت یَهودیے ائے و اَنگت وتی زندا یَهودیانی ڈئولا نگوازێنئے، درکئومانی ڈئولا گوازێنئے، گڑا درکئومان پرچا هُجَّ کنئے که یَهودیانی ڈئولا زند بگوازێننت؟“

په گَلاتیان پولُسئے کاگد 5:14

چێا که سجّهێن شَریَتئے مَجگ همے یکّێن هُکم اِنت: ”وتی همساهگا وتی جندئے پئیما دۆست بدار.“