په گَلاتیان پولُسئے کاگد 1:23 - هُدائے پاکێن کتاب، بلۆچی زبانا

²³ بَسّ اِشکتگ‌اَتِش که مئے آزار دئیۆک نون وت هما ایمانئے جارا جنَگا اِنت که یکّ وهدے آییئے تباه کنگئے رَندا بوتگ.

په گَلاتیان پولُسئے کاگد 1:23 Referans Kwoze

کاسِدانی کار 9:13

هَنّانیایا پَسّئو دات: ”او هُداوند! من چه بازێنێا اِشکتگ که اورشَلیما، شاوولا تئیی باوَرمند باز آزار داتگ‌اَنت.

کاسِدانی کار 9:20

شاوول، همۆدا یَهودیانی کَنیسَها شت و جاریَ جت که ایسّا هُدائے چُکّ اِنت.

کاسِدانی کار 9:26

وهدے شاوول اورشَلیما رَست گۆن مریدان هۆر بئیگئے جُهدی کرت، بله سجّهێنان چه آییا تُرست. آیان باور نبوت که شاوول په راستی مریدے بوتگ.

کاسِدانی کار 6:7

اے ڈئولا هُدائے پاکێن هبر مردمانی نیاما تالان بوت و اورشَلیما مرید سکّ زوتّ گێشا چه گێشتر بئیانَ بوتنت. بازێن دینی پێشواے هم اے باوَرئے مَنّۆگر بوت.

کاسِدانی کار 9:21

هرکَسا که آییئے هبرَ اِشکت، هئیرانَ بوت و جُستیَ گپت: ”اے هما مرد نه‌اِنت که اورشَلیما ایسّائے نام گِرۆکانی گار و گُمسار کنگئے رَندا اَت؟ اِدا هم پمێشکا نئیاتکگ که ایسّائے مَنّۆگران بگیپت و مزنێن دینی پێشوایانی کِرّا ببارت؟“

کاسِدانی کار 19:13

یَهودی ساهرانی یکّ ٹۆلیێا شهر په شهر ترّ و گردَ کرت. په چَکّاسا، جِنّیانی سرا هُداوندێن ایسّائے نامِشَ گپت و گوَشتِش: ”من شمارا هما ایسّائے ناما هُکمَ دئیان، که پولُس آییئے بارئوا گواجارگا اِنت.“

په گَلاتیان پولُسئے کاگد 6:10

گڑا تان هما وهدا که مارا مۆه هست، بیاێت گۆن سجّهێنان شَرّیَ کنێن و هاس گۆن همایان که باوَرمند اَنت.