دَرگوَز 8:25 - هُدائے پاکێن کتاب، بلۆچی زبانا

²⁵ پِرئونا موسّا و هارون لۆٹاێنت و گوَشتنت: ”برئوێت و په وتی هُدایا کُربانیگ بکنێت، بله همے مُلکئے تها.“

دَرگوَز 8:25 Referans Kwoze

دَرگوَز 9:27

پِرئونا موسّا و هارون لۆٹاێنت و گوَشتنت: ”اے بَری من گناه کرتگ. هُداوند بَرهَکّ اِنت و من و منی مردم مئیاربار اێن.

دَرگوَز 8:8

پِرئونا موسّا و هارون لۆٹاێنتنت و گوَشتی: ”هُداوندئے کرّا دْوا کنێت که پُگُلان چه من و منی مردمان دور ببارت. من شمئے مهلوکا رئوگا کِلّان که په هُداوندا کُربانیگ بکنت.“

دَرگوَز 12:31

شپئے شپ پِرئونا موسّا و هارون لۆٹاێنتنت و گوَشتی: ”چِست بێت و چه منی مُلک و مردمان دور بێت، شمئے جند و سجّهێن اِسراییلی. برئوێت و هُداوندا پرستش کنێت، هما پئیما که شما وت گوَشتگ.

دَرگوَز 10:16

پِرئونا دمانا موسّا و هارون گْوانک جت و گوَشتنت: ”من شمئے هُداوندێن هُدائے و شمئے گُنهکار آن.

اِلهام 3:9

بچار، من چه شئیتانئے کَنیسَهئے مردمان لهتێن ترا دئیان، چه همایان که وتا یَهودیَ گوَشنت بله یَهودی نه‌اَنت و درۆگَ بندنت. بچار، من آیانَ پرمایان، آ کاینت، تئیی پادانی دێما کپنت و سرپدَ بنت که من ترا دۆست داشتگ.

دَرگوَز 9:28

هُداوندئے کرّا دْوا بکنێت که اے بَلاهێن گرَند و ترۆنگلا مارا کُشت. من شمارا رئوگا کِلّان. شمارا چه اِد و گێشتر اِدا نداران.“

دَرگوَز 10:8

موسّا و هارونِش پدا پِرئونئے کرّا آورتنت و پِرئونا گۆن آیان گوَشت: ”برئوێت و وتی هُداوندێن هُدایا پرستش بکنێت. چه شما کئے کئے رئوت؟“

دَرگوَز 10:24

پِرئونا موسّا لۆٹاێنت و گوَشتی: ”برئوێت و هُداوندئے پرستشا بکنێت. بَسّ شمئے رمگ و گۆرُم همِدا دارگَ بنت. وتی چُکّان هم برێت گۆن.“