دَرگوَز 7:17 - هُدائے پاکێن کتاب، بلۆچی زبانا

¹⁷ هُداوند چُشَ گوَشیت که تئوِ پِرئون چه اے نِشانیا زانئے که من هُداوند آن: بِچار، اے اَسا که منِ موسّائے دستا اِنت، من اِشیا کئورئے آپا جنان و آپ هۆن جۆڑَ بنت.

دَرگوَز 7:17 Referans Kwoze

دَرگوَز 4:9

بله اگن اے دوێن نشانی‌اِش باوَر نکرتنت و تئیی گَپِّش گۆش نداشت، گڑا چه نیلّا کمّے آپ بزور و هُشکێن زمینئے سرا برێچ. اے آپان که تئو چه نیلّا زورئے، اے آپ هُشکێن زمینئے سرا هۆنَ بنت.“

دَرگوَز 7:5

وهدے وتی دستا مِسرئے هِلاپا چِستَ کنان و بنی اِسراییلا چه مِسریانی نیاما کشّان، نون مِسریَ زاننت که من هُداوند آن.“

دَرگوَز 5:2

بله پِرئونا گوَشت: ”یَهوِه کئے اِنت که من آییئے گپّا گۆش بداران و بنی اِسراییلا رئوگا بِلّان؟ من یَهوِها نزانان و بنی اِسراییلا رئوگا نئیلان.“

زَبور 9:16

هُداوندا وتا گۆن وتی اَدل و اِنساپا پجّارێنتگ، بدکار چه وتی کرتگێن کاران وت داما کپنت. زِگر... اۆشت...

اِلهام 11:6

اِشان آسمانئے بند کنگئے اِهتیار گۆن اِنت تانکه اِشانی پئیگمبریئے رۆچان هچّ هئور مبیت و اِهتیارِش هست که آپا هۆنئے تها بدل بکننت و هر وهدا که بلۆٹنت، گۆن هر پئیمێن وباێا زمینا جتَ کننت.

اِلهام 8:8

دومی پرێشتگا وتی کَرنا جت، بلاهێن کۆهێئے ڈئولێن چیزّے که پَهک بُن اَت، دریائے تها دئور دئیگ بوت و دریائے سئےیکّ هۆن بوت.

دانیال 5:23

تئو وتارا آسمانی هُداوندئے دێما بُرز زانت و لێکِت و هُکمِت کرت که هُدائے لۆگئے دَرپ تئیی دێما آرگ ببنت. تئو و تئیی میر و مهتِران، تئیی جَنان و سُریَتان اے درپانی تها شراب وارت و تئو نُگره، تلاه، بْرنج، آسن، دار و سِنگێن هُدا ستا کرتنت که نه گندنت، نه اشکُننت و نه سرپدَ بنت. بله تئو هما هُدا شان و شئوکت ندات که تئیی ساه و تئیی سجّهێن راه آییئے دستا اَنت.

دانیال 5:21

آ، چه انسانانی درنیاما گلّێنگ بوت و آییئے دل جانوَری دلے جۆڑ کنگ بوت. جنگلی هرانی نیاما جَهمنند بوت، پس و گۆکانی ڈئولا کاه و بوچّ وارێنَگَ بوت و چه آسمانئے نۆدان آییئے بدَن تَرّ کنگَ بوت، تان هما وهدا که زانتی که بُرزێن ارشئے هُدا انسانی بادشاهیانی سرا هُکمران اِنت و هما مردما اِشانی سرا هُکمرانَ کنت که وتَ لۆٹیت.

دانیال 4:37

نون منِ نِبوکَدنِزَر آسمانانی بادشاها ستا کنان، ساڑایان و شرپَ دئیان چێا که آییئے سجّهێن کار راست اَنت و آییئے راه په اِنساپ. آ، گُروناکانی گردِنا جَهل کرتَ کنت.“

دانیال 4:32

تئو چه انسانان گلّێنگَ بئے و جنگلی جانوَرانی درنیاما جَهمنندَ بئے. تئیی ورد و وراک پس و گۆکانی ڈئولا کاه و بوچَّ بنت. تان هپت زمانَگا تئو اَنچُشَ بئے تان هما وهدا که تئو پَجّاه بیارئے و بزانئے که بُرزێن اَرشئے هُدا انسانی بادشاهیانی سرا هُکمران اِنت و هما مردما دنتِش که وتَ لۆٹیت.“

دانیال 4:17

اے هُکمئے جار کاسدان جتگ، پاکێنان اِشیئے هُکم داتگ، تانکه زندگێن مردم بزاننت که بُرزێن اَرشئے هُدا انسانی بادشاهیانی سرا هُکمران اِنت و اے بادشاهیان هما مردما دنت که هُدائے جندَ لۆٹیت. تنتنا کمزاتێن مردمان هم اے بادشاهیانی سرا هاکمَ کنت.‘

زَبور 105:29

آیانی آپی هۆن کرت و ماهیگی کُشتنت.

زَبور 83:18

بِلّ بزاننت که تئیی نام هُداوند اِنت و تهنا تئو، او بُرزێن اَرشئے هُدا، سجّهێن زمینئے سرا هاکمیَ کنئے.

زَبور 78:44

آیانی کئوری هۆنا بدل کرتنت که کَسّا چه وتی جۆان آپ وارتَ نکرت.

دَرگوَز 6:7

من شمارا زوران و وتی کئومَ کنان و شمئے هُدا بان. گڑا شما زانێت که من شمئے هُداوندێن هُدا آن، هما که شمارا چه مِسریانی بیگاریا دری کرتگ.

دَرگوَز 1:22

گڑا پِرئونا وتی سجّهێن مردم هُکم دات و گوَشتنت: ”هر اِبرانی مَردێن‌چُکّے که پێدا بیت، آییا نیلّئے کئورا دئور بدئیێت، بله اِبرانی جنکّان بِلّێت.“

دَرگوَز 7:20

موسّا و هارونا هما پئیما کرت که هُداوندا هُکم داتگ‌اَتنت. هارونا پِرئون و هِزمتکارانی چمّانی دێما وتی اَسا چست کرت و کئورئے آپانی سرا جت. کئورئے سجّهێن آپ هۆن جۆڑ بوتنت.

دَرگوَز 10:2

شما گۆن وتی چُکّ و نُماسگان کِسّه بکنێت که من چۆن مِسری لئیب داشتنت و آیانی نیاما وتی نشانی زاهر کرتنت، تانکه شما بزانێت که من هُداوند آن.“