Biblia Todo Logo
Bib sou entènèt

- Piblisite -




دَرگوَز 7:13 - هُدائے پاکێن کتاب، بلۆچی زبانا

13 بله اَنچۆ که هُداوندا گوَشتگ‌اَت، پِرئونئے دل اَنگت سِنگ اَت و آیانی هبری گۆش نداشتنت.

Gade chapit la Kopi




دَرگوَز 7:13
24 Referans Kwoze  

هُداوندا گۆن موسّایا گوَشت: ”وهدے پدا مِسرا رئوئے، بچار، هما سجّهێن مۆجِزه که من تئیی دستا داتگ‌اَنت، پِرئونئے دێما آ مۆجِزَهان بکن و پێش دار، بله من آییئے دلا سِنگَ کنان که کئوما رئوگا مئیلیت.


وهدے پِرئونا دیست که چه اے کَهرا جان چُٹِّت، هما پئیما که هُداوندا گۆن موسّایا گوَشتگ‌اَت، پِرئونا وتی دل سِنگ کرت و موسّا و هارونئے هبری گۆش نداشتنت.


بله تئو گۆن وتی ناپشۆمان و سِنگێن دلا، په کَهر و گَزبئے رۆچا په وت کَهر و گَزب اَمبارَ کنئے، هما رۆچا که هُدائے آدلێن دادرسی زاهرَ بیت.


آیان هُداپَجّاری پُراَرزش و اَلّمێن کارے نزانت و هُدایا هم آ، بێننگێن پِگر و هئیالانی تها یله کرتنت تان ناراهێن کارانی تها بکپنت.


هُداوندا پِرئونئے دل سِنگ کرت و پِرئون آیانی رئوگا رازیگ نبوت.


بله هُداوندا پِرئونئے دل سِنگ کرت و آییا اِسراییلی رئوگا نه‌اِشتنت.


هُداوندا گۆن موسّایا گوَشت: ”پِرئونئے کرّا برئو. من پِرئونئے دل و آییئے هِزمتکارانی دل پمێشکا سِنگ کرتگ‌اَنت که وتی اے نشانیان آیانی دێما زاهر بکنان و


من مِسریانی دلان سِنگَ کنان که اِسراییلیانی رندا بکپنت و پِرئون و آییئے سجّهێن پئوج و اَرّابه و اَرّابه‌سوار منی شان و شئوکتئے سئوَب‌ساز ببنت.


چه آیان هر یکّێا وتی اَسا زمینا دئور دات و آیانی اَسا مار بوتنت. هارونئے اَسایا آیانی اَسا وارت و اێر برتنت.


هُداوندا گۆن موسّایا گوَشت: ”پِرئونئے دل سِنگ اِنت و مردمان رئوگا نئیلیت.


بله مِسری جادوگران هم گۆن وتی جادوا همے کار کرت و هما پئیما که هُداوندا گوَشتگ‌اَت، پِرئونئے دل سِنگ اَت و موسّا و هارونئے هبری گۆش نداشتنت.


جادوگران گۆن پِرئونا گوَشت: ”اے هُدایی کارے.“ بله هما پئیما که هُداوندا گوَشتگ‌اَت، پِرئونئے دل سِنگ اَت و موسّا و هارونئے هبری گۆش نداشتنت.


پِرئونا په پَکّا کنگا مردم راه دات و سهیگ بوت که چه اِسراییلیانی مال و دَلوَتان یکّے هم نمُرتگ. بله پِرئونئے دل اَنگت سِنگ اَت و مهلوکی رئوگا نه‌اِشت.


بله هُداوندا پِرئونئے دل سِنگ کرت و هما پئیما که هُداوندا گۆن موسّایا گوَشتگ‌اَت، پِرئونا آیانی هبر گۆش نداشتنت.


پِرئونا گوَشت: ”من شمارا رئوگا کِلّان که گیابانا په وتی هُداوندێن هُدایا کُربانیگ بکنێت. بله سکّ دور مرئوێت و په من هم دْوا کنێت.“


پِرئونئے دل سِنگ بوت. اِسراییلی‌ای رئوگا نه‌اِشتنت، هما پئیما که هُداوندا چه موسّائے زُبانا گوَشتگ‌اَت.


Swiv nou:

Piblisite


Piblisite