دَرگوَز 7:11 - هُدائے پاکێن کتاب، بلۆچی زبانا

¹¹ گڑا پِرئونا دانا و ساهِر لۆٹاێنتنت و اے مِسری جادوگران گۆن وتی جادوا همے کار کرت.

دَرگوَز 7:11 Referans Kwoze

دَرگوَز 7:22

بله مِسری جادوگران هم گۆن وتی جادوا همے کار کرت و هما پئیما که هُداوندا گوَشتگ‌اَت، پِرئونئے دل سِنگ اَت و موسّا و هارونئے هبری گۆش نداشتنت.

په تیموتاووسا پولُسئے دومی کاگد 3:8

انچۆ که یَنّیس و یَمبْریس موسّائے هلاپ اَتنت، همے ڈئولا اے رَدێن تالیم دئیۆک هم راستیئے هلاپ اَنت، سلّێن پگر و هئیال و دْرۆگێن ایمانئے واهُند اَنت.

دَرگوَز 8:18

جادوگران گۆن وتی جادوا وَس کرت که پَشّگ بیارنت، بله آورتِش نکرت. پَشّگ مردم و جانوَران پِر لِچِّتگ‌اَتنت.

دَرگوَز 8:7

بله جادوگران هم گۆن وتی جادوا اَنچُش کرت و پُگُل چه آپان در آتک و مِسرئے مُلکا شِنگ بوتنت.

په تِسالونیکیان پولُسئے دومی کاگد 2:9

بێرَهبَندێن مردئے آیگ شئیتانئے کارانی بهرے. آ گۆن هر پئیمێن زۆر و درۆگێن نشانی و مۆجزهانَ کئیت و

دانیال 2:2

گڑا بادشاها جادوگر، ساهِر، جِنّ‌بَند و نجومیانی لۆٹاێنگئے هُکم دات که آییئے وابان مانا بکننت. آ، آتک و بادشاهئے دێما اۆشتاتنت.

پێدایش 41:8

سُهب که بوت، پِرئون پرێشان اَت. وتی مردمی راه داتنت و مِسرئے سجّهێن دانا و جادوگری لۆٹاێنتنت. پِرئونا گۆن آیان وتی وابانی کِسّه کرت، بله کَسّا آییئے واب مانا کرت نکرتنت.

دانیال 5:7

بادشاها کُوکّار کرت و هُکم دات که ساهر، نجومی و اِستارزانتان بیارێت. گۆن بابِلئے دانایان گوَشتی: ”هما کَس که اے نبشتها بوانیت و مانا بکنت، آ جَمورنگێن گُد و تلاهێن هارے گْورا دئیگَ بیت و بادشاهیئے سئیمی هُکمران کنگَ بیت.“

په گَلاتیان پولُسئے کاگد 3:1

او بےاَگلێن گَلاتیان! کئیا شمارا سِهر کرتگ؟ ایسّا مَسیهئے سَلیب کشّگئے کِسّه گۆن شما اَنچۆ پَکّاییا بئیان کنگ بوت که هر چیزّ پوره شمئے چمّانی دێما زاهر بوت.

مَتّا 24:24

چێا که درۆگێن مَسیه و درۆگێن نبی جاهَ جننت و مزنێن نشانی و اَجِکّایی پێشَ دارنت. وتی سجّهێن زۆرا جننت که گچێن کرتگێنان هم گُمراه بکننت.

دانیال 5:11

تئیی بادشاهیا مردے هست که آییا پاکێن هُدایانی روه مان اِنت و تئیی پیرُکئے دئورا گِندَگ بوتگ که آییا باتنی رُژنایی، سَرپدی و هکمت و هُدایانی ڈئولێن داناییے گۆن. تئیی بادشاهێن پیرُک، نِبوکَدنِزَرا اے مَرد جادوگر، ساهر، نجومی و اِستارزانتانی مستر کرتگ‌اَت،

دانیال 2:27

دانیالا گۆن بادشاها گوَشت: ”هما رازا که تئوِ بادشاه آییئے جُستا ائے، هچّ دانا، ساهر، جادوگر و اِستارزانتے په تئو پدّر کرتَ نکنت،

اِلهام 19:20

و رستر، هما درۆگێن پئیگمبرئے همراهیا گرگ بوت که رسترئے دێما مۆجزهی پێش داشتگ‌اَت. گۆن اے مۆجزهان، آییا هما رَد داتگ‌اَتنت که رسترئے نشانِش زرتگ‌اَت و آییئے بُتِش سُجده کرتگ‌اَت. دوێن، زندگا هما گوَرما دئور دئیگ بوتگ‌اَتنت که گۆن آس و گۆکُرتا بُن اَت.

په تیموتاووسا پولُسئے دومی کاگد 3:9

بله اے مردم باز دێما شُتَ نکننت، چێا که هرکَس اِشانی اَهمکیا گندیت، انچۆ که یَنّیس و یَمبْریسئے اَهمکی گِندگ بوت.

دَرگوَز 7:12

چه آیان هر یکّێا وتی اَسا زمینا دئور دات و آیانی اَسا مار بوتنت. هارونئے اَسایا آیانی اَسا وارت و اێر برتنت.

دانیال 4:6

گڑا من هُکم دات که بابِلئے سجّهێن دانا آرگ ببنت تانکه منی وابا مانا بکننت.

دَرگوَز 8:3

نیلّئے کئور چه پُگُلا پُرَّ بیت. پُگُل چستَ بنت و تئیی لۆگا کاینت، تئیی وابجاها پُتِرنت و تَهتا سرَ کپنت، تئیی هِزمتکار و مردمانی لۆگان هم کاینت، تئیی تَرون و آرت تَرّ کنگئے دَرپانی تها دئورَ کننت.