دَرگوَز 4:23 - هُدائے پاکێن کتاب، بلۆچی زبانا

²³ من ترا گوَشت که منی چُکّا بِلّ که رئوت و منی پرستشا کنت. بله تئو نَمَنِّت و رئوگا نه‌اِشت. بِچار، نون من تئیی چُکّا کُشان، تئیی ائولی مَردێن‌چُکّا.‘“

دَرگوَز 4:23 Referans Kwoze

دَرگوَز 12:29

هما شپئے نێما هُداوندا، مِسرئے مُلکا سجّهێن ائولی مَردێن‌چُکّ جتنت. شاهی تَهتا نِشتگێن پِرئونئے ائولی چُکّا بگر تان زندانا نِشتگێن بندیگێئے ائولی چُکّ، و مال و دَلوَتانی سجّهێن ائولی نَرێن چُکّ، سجّهێن مُرتنت.

دَرگوَز 11:5

بادشاهی تَهتا نِشتگێن پِرئونئے ائولی چُکّا بگر تان جِنتِرئے سرا نِشتگێن مۆلدێئے ائولی چُکّا، مِسرا سجّهێن ائولی مَردێن‌چُکَّ مِرنت. سجّهێن مال و دَلوَتانی ائولی نَرێن چُکّ هم مِرنت.

زَبور 135:8

هماییا مِسرئے ائولی چُکّ جتنت، مردمانی ائولی چُکّ و دَلوَتانی هم.

زَبور 105:36

نون آیانی سجّهێن ائولی چُکّی جتنت آیانی مردانگیئے ائولی بَر و سَمر.

زَبور 78:51

مِسرئے سجّهێن ائولی چُکّی جتنت، مِسرئے گدان‌نِندانی مردانگیئے ائولی بَر و سَمر.

دَرگوَز 7:16

گۆن پِرئونا بگوَش: ’هُداوندا، بزان اِبرانیانی هُدایا منا تئیی کرّا راه داتگ که ترا بگوَشان: ”منی مهلوکا بِلّ که گیابانا رئوت و منا پرستشَ کنت،“ بله تئو اَنگت گۆش دارگا نه‌ائے.

دَرگوَز 5:1

رندا موسّا و هارون شتنت و گۆن پِرئونا گوَشتِش: ”یَهوِه، اِسراییلئے هُدا چُشَ گوَشیت: ’منی مهلوکا بِلّ که گیابانا رئوت و په من جَشنے کنت.‘“

دَرگوَز 6:11

”برئو و مِسرئے بادشاه پِرئونا بگوَش که اِسراییلیان چه وتی مُلکا رئوگا بِلّ.“

دَرگوَز 8:1

نون هُداوندا گۆن موسّایا گوَشت: ”پِرئونئے کرّا برئو و گۆن آییا بگوَش: ’هُداوند چُشَ گوَشیت: ”منی مهلوکا بِلّ که رئوت و منا پرستشَ کنت.

دَرگوَز 8:20

هُداوندا گۆن موسّایا گوَشت: ”سهبا ماهلّه پاد آ و وهدے پِرئون دێم په آپا رئوت، آییئے دێما در آ و بگوَشی: ’هُداوند چُشَ گوَشیت: ”منی مهلوکا بِلّ که رئوت و منا پرستشَ کنت.

دَرگوَز 9:1

هُداوندا گۆن موسّایا گوَشت: ”پِرئونئے کرّا برئو و گۆن آییا بگوَش: ’هُداوند، اِبرانیانی هُدا چُشَ گوَشیت: ”منی مهلوکا بِلّ که رئوت و منا پرستشَ کنت.

دَرگوَز 9:13

هُداوندا گۆن موسّایا گوَشت: ”سهبا ماهلّه پاد آ، پِرئونئے دێما در آ و بگوَشی: ’هُداوند، اِبرانیانی هُدا چُشَ گوَشیت: ”منی مهلوکا بِلّ که رئوت و منا پرستشَ کنت.

دَرگوَز 10:3

موسّا و هارون پِرئونئے کرّا شتنت و گوَشتِش: ”هُداوند، اِبرانیانی هُدا چُشَ گوَشیت: ’تان کدێن گروناکَ بئے و منی دێما اۆشتئے و وتا بێکِبرَ نکنئے؟ منی مهلوکا بِلّ که رئوت و منا پرستشَ کنت.

دَرگوَز 18:8

هُداوندا اِسراییلیانی هاترا گۆن پِرئون و مِسریان هرچے که کرتگ‌اَت، موسّایا آ سجّهێن هبر گۆن وتی ناکۆا کرتنت. راهئے سجّهێن سکّی و سۆریانی بارئوا هم هبری کرت و گوَشتی که هُداوندا چۆن مارا رَکّێنتگ.

زَبور 136:10

هما که مِسرئے ائولی چُکّی جتنت، مِهری اَبدمان اِنت و

دَرگوَز 3:18

اِسراییلئے کماش تئیی هبران گۆشَ دارنت. شما هۆریگا مِسرئے بادشاهئے کرّا برئوێت و گۆن آییا بگوَشێت که هُداوند، بزان اِبرانیانی هُدا مئے دێما زاهر بوتگ. نون مارا رَزا بدئے که ما گیابانا سئے رۆچئے راها رئوێن و په وتی هُداوندێن هُدایا کُربانیگَ کنێن.

دَرگوَز 8:16

هُداوندا گۆن موسّایا گوَشت: ”هارونا بگوَش: ’وتی اَسایا شهار دئے و زمینئے هاکان بجن که سجّهێن مِسرا پَشّگ مان برچیت.‘“

دَرگوَز 8:17

آیان اَنچُش کرت. هارونا وتی دست گۆن اَسایا شهار دات و زمینئے هاکی جتنت. سجّهێن مِسرا، زمینئے هاک بدل بوت و پَشّگ بوتنت و مردم و جانوَران پِر رِتکنت.

دَرگوَز 9:2

چێا که اگن آیان رئوگا مئیلئے و اَنگت آیان بدارئے،

دَرگوَز 10:4

اگن منی مهلوکا رئوگا مئیلئے، بچار، من باندا تئیی مُلکا مَدَگے مانَ رێچان.

دَرگوَز 13:15

وهدے پِرئونا زِدّ کرت و مارا رئوگا نه‌اِشت، هُداوندا مِسرئے مُلکا سجّهێن ائولی چُکّ کُشتنت، چه انسانئے ائولی مَردێن‌چُکّان بگر تان دَلوَتانی ائولی نَرێن چُکّان، سجّهێنی کُشتنت. پمێشکا من هر دَلوَتئے ائولی نَرێن چُکّا په هُداوندا کُربانیگَ کنان و وتی لۆگئے سجّهێن ائولی مَردێن‌چُکّانَ مۆکان.‘