دَرگوَز 34:35 - هُدائے پاکێن کتاب، بلۆچی زبانا

³⁵ اِسراییلیانَ دیست که موسّائے دێم درَپشَگا اِنت. گڑا موسّایا پدا گۆن نِکابا وتی دێمَ پۆشِت، تان هما وهدا که پدا تها شت که گۆن هُداوندا هبر بکنت.

دَرگوَز 34:35 Referans Kwoze

په پیلیپیان پولُسئے کاگد 2:15

که شما پاک و بےائیب بمانێت. چۆٹ و کَجراهێن پَدرێچێئے نیاما هُدائے بێمئیارێن چُکّ ببێت و ”زِندئے گالا“ مُهر بدارێت و چۆ اِستارا جهانا بدرَپشێت. آ وهدا، مَسیهئے آیگئے رۆچا پَهر بستَ کنان که من مُپتێن تَچ و تاگے و بےآسرێن جُهدے نکُرتگ.

یوهَنّا 5:35

یَهیا رۆکێن چِراگے اَت و رُژنی تالانَ کرت و شما اِراده کرت که په کمّێن وهدێا آییئے نورئے تها گَل ببێت.

مَتّا 13:43

آ وهدا نێک و پهرێزکارێن مردم، وتی پتئے بادشاهیا رۆچئے پئیما دْرپشنت. هرکَسا گۆش پِر، بِشکنت.“

مَتّا 5:16

همے ڈئولا شمئے رُژن، مردمانی دێما شَهم بدنت تان شمئے نێکێن کاران بگندنت و شمئے آسمانی پتا ستا بدئینت و بساڑاینت.

دانیال 12:3

هما که دانا اَنت، چۆ آسمانئے کُبّهئے رُژناییا دْرپشنت و هما که بازێنێا پهرێزکاریئے نێمگا کارنت، اَبد تان اَبد چۆ اِستاران رُژنا بنت.

دَرگوَز 35:1

موسّایا اِسراییلئے سجّهێن مهلوک مُچّ کرت و گۆن آیان گوَشتی: ”اِش اَنت هما کار که هُداوندا شمارا اِشانی کنگئے هُکم داتگ: