دَرگوَز 33:9 - هُدائے پاکێن کتاب، بلۆچی زبانا

⁹ وهدے موسّا تَمبوا شت، جمبرئے مِنُک اێرَ آتک و تَمبوئے دپا اۆشتات و هُداوندا گۆن موسّایا هبرَ کرت.

دَرگوَز 33:9 Referans Kwoze

زَبور 99:7

چه جمبرئے سُتونا گۆن آیان هبری کرت و آیان هم هما هُکم و شَریَت برجاه داشت که داتگ‌اَتی.

دَرگوَز 31:18

وهدے هُداوندا سینائے کۆهئے سرا گۆن موسّایا هبر هلاس کرت، شاهدیئے دوێن وانِکی موسّائے دستا داتنت، سِنگئے دو وانِک اَتنت که اِشانی سرا هُداوندا دَهێن پرمان دستِ وت نبشته کرتگ‌اَتنت.

دَرگوَز 34:9

گوَشتی: ”او هُداوند! اگن تئیی چمّان منا کَدر و اِزّتے هست، گڑا تئوِ هُداوند مئے همراه بئے. بِلّ تُرے اے ناپَرمان وَتسَرێن کئومے، بله تئو مئے رَدکاری و گناهان ببَکش و مارا وتی میراس کن.“

دَرگوَز 34:3

کَسّ گۆن تئو کۆها سر مکپیت و کۆهئے سرا هچّ جاگه یکّ مردمے هم گِندگ مبیت. رمگ و گۆرُم هم کۆهئے دێما مچَرنت.“

دَرگوَز 33:11

هُداوندا گۆن موسّایا دێم په دێما هبرَ کرت، سنگتێئے پئیما. رندا موسّا اُردگاها شت، بله یوشا چه تَمبوا درَ نکپت. یوشا نونئے چُکّ و موسّائے ورناێن هِزمتکار اَت.

دَرگوَز 25:22

من همۆدا تئیی دێما زاهِرَ بان و گۆن تئو هبرَ کنان، چه سرپۆشئے بُرزا، چه شاهدیئے پێتیئے سرئے دوێن کَرّوبیانی نیاما اِسراییلیانی بارئوا هر پرمانے که هست، ترا گوَشانِش گۆن.

پێدایش 18:33

وهدے هُداوندا گۆن اِبراهێما هبر هلاس کرت، چه اۆدا شت و اِبراهێم هم وتی لۆگا پِر ترّت.

پێدایش 17:22

وهدے هُدایا وتی هبر گۆن اِبراهێما هلاس کرتنت، چه آییئے کِرّا بُرزاد شت.

دَرگوَز 33:8

هر وهدا که موسّا درَ آتک و دێم په تَمبوا راهَ گپت، سجّهێن مهلوک پادَ آتک و هرکَس وتی جندئے گِدانئے دپا اۆشتات و تان هما وهدا موسّاییَ چارِت که موسّا تَمبوا شُت.

دَرگوَز 33:10

وهدے مهلوکا دیست که جمبرئے مِنُک تَمبوئے دپا اۆشتاتگ، سجّهێن مردم پادَ آتک و وتی گِدانانی دپا اۆشتاتنت و هُداوَندِش پرستِشَ کرت.

دَرگوَز 34:5

هُداوند جمبرئے تها بوت و اێر آتک و موسّائے کِرّا اۆشتات و وتی نامئے جاری جت که من یَهوِه آن.