1 هُداوندا گۆن موسّایا گوَشت:
موسّایا اِسراییلئے سجّهێن مهلوک مُچّ کرت و گۆن آیان گوَشتی: ”اِش اَنت هما کار که هُداوندا شمارا اِشانی کنگئے هُکم داتگ:
موسّایا گۆن اِسراییلیان گوَشت: ”بچارێت، هُداوندا چه یَهودائے کَبیلها اوریئے مردێن‌چُکّ، اَهورئے نُماسگ بِسَلێل گچێن کرتگ و
شمئے سجّهێن هُنَرمند بیاینت و اے سجّهێن چیزّان اَڈّ بکننت که هُداوندا هُکم داتگ:
”بِسَلێل و اُهولیاب و سجّهێن هُنَرمند که هُداوندا پاکێن جاگهئے اَڈّ کنگئے سجّهێن کارانی دانایی و پَهم بَکشاتگ‌اَنت، اے کارا هما پئیما سَرجم بکننت که هُداوندا هُکم داتگ.“
هرچے که هُداوندا موسّا هُکم داتگ‌اَت، بِسَلێلا اَڈّ کرت. بِسَلێل یَهودائے کَبیلهئے مردمے اَت، اوریئے چُکّ و اَهورئے نُماسگ اَت.
