دَرگوَز 30:35 - هُدائے پاکێن کتاب، بلۆچی زبانا

³⁵ هما پئیما هئوارِش کن و وشبۆێن سۆچُکیے اَڈّ کن که اَترساز وشبۆ اَڈَّ کنت. اے سۆچُکی وادۆک و زَگر و پاک ببیت.

دَرگوَز 30:35 Referans Kwoze

دَرگوَز 30:25

اِشان بزور و پِر مُشَگی پاکێن رۆگنے اَڈّ کن، وشبۆێن رۆگنے. اِشان هما پئیما هئوار کن که اَترساز وشبۆ اَڈَّ کننت. اے پِر مُشَگی پاکێن رۆگنَ بیت.

یوهَنّا 12:3

نون مَریَما نێم تاسئے کِساسا هِندی سُمبلئے زَگر و گران‌بهاێن اَتر آورت، ایسّائے پادانی سرا پِر رێتک و گۆن وتی مودان ایسّائے پادی هُشک کرتنت. لۆگئے سجّهێن کُنڈان اَترئے وشّێن بۆ تالان بوت.

دَرگوَز 30:34

هُداوندا گۆن موسّایا گوَشت: ”اے چیزّان بزور و هئوار کن: درچکی شیرَگ، سَدَپ، گَلبَنوم و زَگرێن کُندِرک، سجّهێنانی کَچّ و کِساس یکّ ببیت.

دَرگوَز 30:36

چه اِشان لهتێن بدْرُش و آرت کن و تَمبوا شاهدیئے پێتیئے دێما، اێر کن، همۆدا که من گۆن تئو گِندُکَ کنان. اِشیئے کَدرا بزانێت که چه پاکا پاکتر اِنت.

دَرگوَز 28:41

اے گُدان وتی برات هارون و آییئے چُکّانی گوَرا دئے. هارون و چُکّان رۆگن پِر مُش و گیشّێن و وَپکِش کن و دینی پێشواییئے کارا همایانی دستا دئے.

زَبور 133:2

پوره گرانبهاێن ٹێلے که سرا چَرپ کرتگ و ریشّان اێر رچان اِنت، هارونئے ریشّان و جهلاد تان کباهئے جیگا.