دَرگوَز 30:13 - هُدائے پاکێن کتاب، بلۆچی زبانا

¹³ هما مردم که نامِش نِبیسگَ بنت، نێم شِکِل بدئینت، پاکێن جاگهئے شِکِلئے هسابا که شِکِلے بیست گێراه اِنت. اے نێم شِکِل په هُداوندا شُگرانهے.

دَرگوَز 30:13 Referans Kwoze

مَتّا 17:24

وهدے ایسّا و آییئے مرید کَپَرناهوما رَستنت، گڑا مزنێن پرستشگاهئے سُنگی و مالیاتگیر پِتْرُسئے کِرّا آتکنت و جُستِش کرت: ”تئیی استاد مزنێن پرستشگاهئے سُنگا ندنت؟“

دَرگوَز 38:26

بزان چه هر مردما یکّ بِکاے. یکّ بِکاے نێم شِکِل اِنت، پاکێن جاگهئے شِکِلئے هسابا. اے نُگره چه هما مردمان گرگ بوتگ‌اَتنت که مردم‌شُماریا هساب کنگ بوتگ‌اَتنت، بزان چه بیست سالَگ و چه بیست سالا مسترێن مردێنان. اے مردێن سَرجمیا شَش لَکّ و سئے هزار و پنچ سد و پنجاه اَتنت.

مَتّا 27:24

وهدے پیلاتوسا دیست که هچّ کارے کرتَ نکنت و مردم شۆرش کنگا اَنت، گڑا آییا آپ زرت، مُچّیئے دێما وتی دست ششتنت و گوَشتی: ”من چه اے مردئے هۆنا بێمئیار آن، شما بزانێت و شمئے کار.“

مَتّا 21:12

ایسّا مزنێن پرستشگاهئے پێشگاها شت و اۆدا سئوداگر و گْراکانی گَلّێنگ و در کنگا گلاێش بوت. زَرّ بدل کنۆکێن سَرّاپانی ٹێبَلی چپّی کرتنت و کپۆت بها کنۆکانی کُرسی و تَهتگی دئور داتنت.

پێدایش 23:15

”منی واجه! منی هبرا گۆش دار. ڈگارئے کیمّت نُگرهئے چار سد شِکِل اِنت. اے منیگ و تئیی نیاما هچّے نه‌اِنت. وتی مُردگا کبر کن.“

دَرگوَز 30:14

هرکَس که اُمری بیست سال یا گێشتر اِنت، نامی نبیسگ ببیت و هُداوندئے شُگرانها بدنت.

دَرگوَز 38:24

هما چِست کنگی کُربانیگ، بزان هما ٹێکیێن تلاه که په پاکێن جاگهئے اَڈّ کنگا کارمرز بوتنت، پاکێن جاگهئے شِکِلئے هسابا، سَرجمیا بیست و نُه تالانت و هپت سد و سی شِکِل اَتنت.