دَرگوَز 3:7 - هُدائے پاکێن کتاب، بلۆچی زبانا

⁷ هُداوندا گوَشت: ”منی مهلوک که مِسرا اِنت، من آیانی بزّگی شَرّیا دیستگ. من دیستگ که وتی بیگارگیرانی سئوَبا چۆن پِریاتَ کننت. آیانی دردان شَرّیا زانان.

دَرگوَز 3:7 Referans Kwoze

زَبور 145:19

هرکَسا که هُدائے تُرس دلا اِنت، هُدا آییئے واهگان پورهَ کنت و آییئے پریاتان گۆشَ داریت و رَکّێنیتی.

زَبور 106:44

بله وهدے که آیانی پریاتی اِشکت، دیستی که چۆن پرێشان اَنت،

زَبور 34:6

اے مِسکینا تئوار پِر جت، هُداوندا آییئے تئوار اِشکت و چه سجّهێن سکّیان رَکّێنتی.

دَرگوَز 22:23

اگن اے کارا بکنئے و آ منی کرّا پریات بکننت، من اَلّم آیانی پریاتان گۆشَ داران.

زَبور 34:4

هُداوندُن شۆهاز کرت و منا پَسّئوی دات، چه منی سجّهێن تُرسان منا آزاتی کرت.

دَرگوَز 1:11

بادشاه و آییئے مَنسبداران، بیگارگیر اِشانی کارمستر کرتنت که اِشانی سرا زۆراکی بکننت و گرانێن کارِش ببندنت. بنی اِسراییلیان په پِرئونا دو شهر اَڈّ کرت. یکّێئے نام پیتوم اَت و یَکّێئے رَمِسێس. دوێن اَمباری شهر اَتنت.

پێدایش 29:32

لیاه لاپ‌پُرّ بوت و مردێن‌چُکّے آورتی و چُکّئے نامی روبِن کرت. گوَشتی: ”هُداوندا منی بزّگی دیست. منی مرد نون اَلّما منا دۆستَ داریت.“

زَبور 22:24

چیا که آییا چه سِتم دیستگێنئے بزّگیا پُشت نکرتگ و دێمی چه آییا نترّێنتگ. پریاتی که کرتگ آییا اِشکتگ‌اَنت.

زَبور 142:3

اَرواه که منی باتِنا بێوارَ بیت، تئو ائے که منی راهئے رهشۆن ائے. هما راها که منَ رئوان په من دامے چێرِش گێتکگ.

پێدایش 18:21

که من جَهلادَ رئوان و چاران بارێن آیانی کرتگێن کار هما پِریاتئے کَدّا باز اَنت که په من سر بوتگ؟ اگن چُش نه‌اِنت، وَه من سهیگَ بان.“

کاسِدانی کار 7:34

من مِسرئے سرڈگارا وتی مردمانی سکّی و سۆری دیستگ‌اَنت، آیانی پریات و زاری اِشکتگ‌اَنت، په آیانی رَکّێنگ و آزات کنگا اێر آتکگان. بیا، نون من ترا پدا مِسرا رئوانَ دئیان.‘

پێدایش 16:11

هُداوندئے پرێشتگا پدا گوَشت: ”نون تئو لاپ‌پُرّ ائے و مردێن‌چُکّے کارئے. چُکّئے ناما اِسماێل بکن چێا که هُداوندا تئیی پِریات اِشکتگ.

پێدایش 21:17

هُدایا چُکّئے تئوار اِشکت و هُدائے پرێشتگا چه آسمانا هاجِر گوانک جت و گوَشت: ”هاجِر! ترا چے بوتگ؟ متُرس. چُکّ هما جاگها که اێر اِنت، هُدایا آییئے تئوار چه همۆدا اِشکتگ.

پێدایش 31:12

گوَشتی: ’سرا چست کن و بچار، رمگئے بُزانی راێنۆکێن سجّهێن پاچِن ٹِکّ و ٹَگارێن اَنت. من دیستگ که لابانا گۆن تئو چے کرتگ.

پێدایش 31:42

اگن منی پتئے هُدا، اِبراهێمئے هُدا و اِساکئے هُدا گۆن من گۆن مبوتێن، اَلّما تئو منا هۆرک و هالیگێن دستان راه داتگ‌اَت، بله هُدایا منی بزّگی و زَهمت دیستگ و دۆشی ترا نِهرّ و هکّلی داتگ.“

دَرگوَز 5:6

هما رۆچا پِرئونا مردمانی بیگارگیر و کارمستر هُکم دات و گوَشتنت:

دَرگوَز 5:10

مردمانی بیگارگیر و کارمستر ڈنّا شتنت و گۆن مردمان گوَشتِش: ”پِرئون چُشَ گوَشیت: ’من شمارا پَلارَ ندئیان.‘

دَرگوَز 33:13

نون اگن تئیی چمّان منی کَدر و اِزّت باز اِنت، گڑا وتی راهان په من آشکار کن تانکه من ترا پَجّاه بیاران و هما اِزّت که منا تئیی چمّان هست‌اِنت، آییا برجاه داشت بکنان. بچار، اے مهلوک تئیی جندئے کئوم اِنت.“

زَبور 35:22

او هُداوند! تئو اے دیستگ، چُپّ و بێتئوار مبئے. هُداوندا! چه من دور مبئے.

دَرگوَز 1:8

نون مِسرئے سرا نۆکێن پِرئونے بادشاهی تَهتا نِشت. اے بادشاه ایسُّپئے بارئوا سرپد نه‌اَت.

زَبور 9:14

تانکه تئیی سجّهێن ستا و تئوسیپان سَهیونئے جنکئے دروازگانی دێما برجاه داران و شادمانی بکنان که تئو منا رَکّێنتگ.

زَبور 12:6

هُداوندئے هبر اَسیل و بےائیب اَنت، نُگرَهئے پئیما که چه کورها در آتکگ و هپت رندا پاک و سَلّه کنگ بوتگ.