دَرگوَز 3:16 - هُدائے پاکێن کتاب، بلۆچی زبانا

¹⁶ برئو اِسراییلئے کماشان یکجاه کن و گۆن آیان بگوَش که هُداوند، بزان شمئے بُنپیرکانی هُدا، اِبراهێم و اِساک و آکوبئے هُدا منی دێما زاهر بوتگ و گۆن من گوَشتگی که من چه نزّیکّا دیستگ که مِسرا گۆن شما چے بوتگ و

دَرگوَز 3:16 Referans Kwoze

زَبور 8:4

انسان چیے که تئو آییئے گَموار ببئے و بنی آدم کئے اِنت که آییئے دلگۆشا بدارئے؟

دَرگوَز 4:31

مهلوکا باوَر کرت. وهدے آیان اِشکت که هُداوندا مئے نێمگا دلگۆش کرتگ و مئے بزّگی‌ای دیستگ، په ادب سرِش جَهل کرت و پرستش کنگا لگّتنت.

دَرگوَز 4:29

گڑا موسّا و هارون شتنت و اِسراییلیانی سجّهێن کماشِش یکجاه کرتنت.

پێدایش 50:24

ایسُّپا گۆن وتی براتان گوَشت: ”من مِرَگی آن، بله دلجم آن که هُدا په شمئے مَدتا کئیت و شمارا چه اے مُلکا دێم په هما مُلکا بارت که آییئے بارئوا گۆن اِبراهێم و اِساک و آکوبا سئوگندی وارتگ.“

کاسِدانی کار 15:14

شَمون پِتْرُسا گوَشت که هُدایا چِه پئیما ائولی برا درکئومانی نێمگا په مِهر هئیال گوَر کرت که چه آیان هم په وتی ناما کئومے گچێن بکنت.

پِتْرُسئے ائولی کاگد 5:1

من وت که چه کِلیسائے کماشان یکّے آن و مَسیهئے سکّی و سۆریانی شاهدے آن و آییئے پَدّر بئیگیێن شان و شئوکتا شریکدار آن، شمئے نیاما هرچے کماش هست، چه آیان منی دَزبندی اِش اِنت که:

پِتْرُسئے ائولی کاگد 2:12

ناباورانی نیاما پاک و پَلگارێن زِند بگوازێنێت. بِلّ تُرے آ، شمارا بُهتامَ جننت و گوَشنت که شما رَدێن کار کنگا اێت، بله گۆن شمئے نێکێن کارانی گِندگا، هُدائے آیگئے رۆچا هُدایا شرپ و اِزّت بدئینت.

کاسِدانی کار 20:17

پولُسا چه میلیتوسئے شهرا، په اِپێسُسئے کِلیسائے کماشان کُلئو راه دات و آ وتی کِرّا لۆٹتنت.

کاسِدانی کار 11:30

آیان همے ڈئولا کرت و اے ٹێکی، بارنابا و شاوولا په کِلیسائے کماشان رسێنت.

لوکا 19:44

ترا و تئیی چُکّان، ڈگارا چَگلَ دئینت و گۆن هاک و هۆنا هۆر و هئوارَ کننت و سِنگے په سِنگێئے سرا هم پَشتَ نگێجنت، چێا که تئو وتی هُدائے آیگئے وهد و ساهت، پَجّاه نئیاورت.“

لوکا 1:68

”هُداوند، اِسراییلئے هُدایا سَتا و سَنا بات، چێا که په وتی کئومئے مَدَت کنگا آتکگ و کئومی رَکّێنتگ.

مَتّا 26:3

همے وهدا، مزنێن دینی پێشوا و کئومئے کماشان، مسترێن دینی پێشوا کئیاپائے ماڑیا دیوان کرت و

دَرگوَز 13:19

موسّایا ایسُّپئے هڈّ گۆن وت زرتنت گۆن، چێا که ایسُّپا بنی اِسراییل سئوگند داتگ و گوَشتگ‌اَت: ”بێشَکّ هُداوند شمئے مَدَتا کئیت. آ وهدا منی هَڈّان اَلّم چه اِدا گۆن وت ببرێت گۆن.“

دَرگوَز 4:5

هُداوندا گوَشت: ”اے نِشانیا که زاهرَ کنئے، گڑا اِسراییلی باوَرَ کننت که منِ هُداوند بزان آیانی بُنپیرکانی هُدا، اِبراهێمئے هُدا، اِساکئے هُدا و آکوبئے هُدا تئیی دێما زاهر بوتگ.“

دَرگوَز 2:25

هُدایا اِسراییلی دیستنت و آیانی سرا بَزّگی بوت.

دَرگوَز 24:11

هُدایا اِسراییلیانی سرۆک تاوان نداتنت. آیان هُدا دیست و همۆدا ورگ و چرگِش وارت.

دَرگوَز 18:12

موسّائے ناکۆ یَترونا په هُدایا سۆچَگی و دگه کُربانیگ پێش کرت. هارون و اِسراییلئے سجّهێن کماش آتکنت که هُدائے بارگاها گۆن موسّائے ناکۆا نان بوَرنت.

دَرگوَز 15:14

کئومَ اِشکننت و لَرزنت. بیمّے پیلِستیائے جَهمنندانی دِلا کپیت.

دَرگوَز 3:2

هُداوندئے پرێشتگ چه ڈۆلُکێئے نیاما، آسئے شَمالَهێئے تها آییئے دێما زاهر بوت. موسّایا دیست که ڈۆلُک بُن اِنت، بله سُچَگ و پُر بئیگا نه‌اِنت.

پێدایش 21:1

هما پئیما که هُداوندا وت گوَشتگ‌اَت، سارَهئے سرا مهربان بوت و په سارَها هما کاری کرت که وادهی کرتگ‌اَت.

پێدایش 1:7

هُدایا کُبّه اَڈّ کرت و کُبّهئے چێرئے آپ چه سربُرئے آپان جتا کرتنت. اے کار بوت.

پێدایش 28:13

هُداوند چه پَدانکا بُرزتر اۆشتاتگ‌اَت. گوَشتی: ”من هُداوند آن، تئیی پت اِبراهێمئے هُدا و اِساکئے هُدا. اے زمینئے سرا که تئو انّون وپتگئے، من اِشیا ترا و تئیی نَسل و پَدرێچارا دئیان.

پێدایش 48:15

آکوبا ایسُّپ برکت دات و گوَشتی: ”هما هُدا که منی پت و پیرُک اِبراهێم و اِساکا آییئے راه زرتگ، هما هُدا که چه منی پێدائشا بگر تان مرۆچی منی نگهپان بوتگ،

دَرگوَز 3:6

هُدایا پدا گوَشت: ”من تئیی پتئے هُدا آن، اِبراهێمئے هُدا، اِساکئے هُدا و آکوبئے هُدا آن.“ موسّایا هُدائے چارگ تُرست و وتی دێمی گِپت.

دَرگوَز 4:1

موسّایا پَسّئو دات: ”اگن مردم منی سرا باوَر مکننت و منی هبران گۆش مدارنت و بگوَشنت: ’هُداوند تئیی دێما زاهر نبوتگ،‘ گڑا؟“

دَرگوَز 17:5

هُداوندا گۆن موسّایا گوَشت: ”اِسراییلئے لهتێن کماش همراه کن و چه مهلوکئے دێما گوَزان کن. هما اَسا که تئو گۆن آییا نیلّئے کئور جت، آییا دستا کن و برئو.

زَبور 33:18

هئو! هُداوندئے چمّ گۆن همایان اِنت که چه آییا تُرسنت، گۆن همایان که اۆست و اُمێتِش آییئے مِهر اِنت،

دَرگوَز 1:8

نون مِسرئے سرا نۆکێن پِرئونے بادشاهی تَهتا نِشت. اے بادشاه ایسُّپئے بارئوا سرپد نه‌اَت.

زَبور 102:21

که سَهیونا هُداوندئے ناما جار بجننت و اورشَلیما آییئے ستایا بکننت،