دَرگوَز 28:15 - هُدائے پاکێن کتاب، بلۆچی زبانا

¹⁵ پئیسَله‌سازیئے سێنَگ‌پۆشے اَڈّ کن. اِشیا اێپۆدئے پئیما اَڈّ کن، بزان چه تلاها و چه آسمانی و جَمو و سُهرێن پَژما و چه هورت‌گواپێن لیلُما اَڈّی کن. اے کارا هُنرمندێن اِزمکارے بکنت.

دَرگوَز 28:15 Referans Kwoze

دَرگوَز 28:30

اوریم و تومیما پئیسله‌سازیئے سێنَگ‌پۆشا مان کن که وهدے هارون هُداوندئے بارگاها رئوت، اے آییئے دلئے سرا ببنت. اے ڈئولا هارون هر وهدا هُداوندئے بارگاها اِسراییلئے پئیسله‌سازیئے ائوزاران وتی دلبَندا بداریت.

دَرگوَز 28:6

اێپۆدا گۆن تلاها و گۆن آسمانی و جَمو و سُهرێن پَژما و گۆن رِستگێن شَرّێن لیلُما تئیار بکننت. اے کارا هُنرمندێن اِزمکارے بکنت.

دَرگوَز 28:4

اِش اَنت هما پۆشاک که تئیار کنگی اَنت: سێنَگ‌پۆشے، اێپۆدے، کباهے، نَکش نَکشێن جامگے، پاگے و لانکیگے. په تئیی برات هارون و آییئے مَردێن‌چُکّان اے پۆشاکان تئیار بکننت که هارون و چُکّ دینی پێشوا ببنت و منی هِزمتا بکننت.

دَرگوَز 26:1

په شاهِدیئے تَمبوا دَه پرده اَڈّ کن. اے پرده چه هورت‌گواپێن لیلُما و چه آسمانی و جَمو و سُهرێن پَژما گوَپَگ ببنت. هُنرمندێن اِزمکارے اے پردهان کَرّوبیئے نَکش پِر بکنت.

دَرگوَز 25:7

په اێپۆد و سێنَگ‌پۆشا سِنگِ سُلئیمان و دگه گران‌کیمّتێن سِنگ.

دَرگوَز 28:14

چه زَگرێن تِلاها رِستگێن سادئے ڈئولێن دو زَمزیلُک اَڈّ کن و گۆن مُهرَگ‌جاهان لِچّێن.

دَرگوَز 28:16

اے سێنَگ‌پۆش چارکُنڈ ببیت و دوتَل ببیت. دْراجی و پْراهیا یکّ یکّ بِچیلّے ببیت.

دَرگوَز 29:5

گُد و پۆشاکان بزور و جامَگ و اێپۆدئے کباه و اێپۆد و سێنَگ‌پۆشا هارونئے گوَرا دئے. اێپۆدا گۆن اێپۆدئے بندا بند.

دَرگوَز 26:36

آسمانی و جَمو و سهرێن پَژم و هورت‌گواپێن لیلُم بزور و په تَمبوئے دپا رَنگ‌گواپێن پردهے اَڈّ کن.