دَرگوَز 23:15 - هُدائے پاکێن کتاب، بلۆچی زبانا

¹⁵ بێهُمیرێن نگنئے ائییدا برجاه بدار. هما پئیما که من ترا هُکم داتگ، هپت رۆچا بێهُمیرێن نگن بوَر. اے کارا اَبیبئے ماها، هما وهدا بکن که من گیشّێنتگ، چێا که همے ماها شما چه مِسرا در آتکێت. کَسّ گۆن هالیگێن دستان منی بارگاها مئیئیت.

دَرگوَز 23:15 Referans Kwoze

لوکا 22:7

گڑا، بێهُمیرێن نگنئے ائییدئے هما رۆچ آتک که گوَرانڈا کُربانیگَ کننت.

دَرگوَز 34:20

هرئے ائولی کُرّگئے بدلا گوَرانڈے بکُش و کُرّگا بمۆک، بله اگن نَمۆکئےای، گڑا کُرّگئے گردنا بپرۆش. وتی سجّهێن ائولی مَردێن‌چُکّان اَلّم بمۆک. کَسّ منی دێما گۆن هۆرکێن دستان مئیئیت.

مَرکاس 14:12

بێهُمیرێن نگنئے ائییدئے ائولی رۆچا که گوَرانڈئے کُربانیگ کنگئے رۆچ اَت، مریدان چه ایسّایا جُست کرت: ”چے لۆٹئے، سَرگوَزئے ائییدئے شامئے تئیاریا کجا بکنێن که تئو بوَرئے‌ای؟“

دَرگوَز 34:18

بێهُمیرێن نگنئے ائییدا برجاه بدار. هما پئیما که من ترا هُکم داتگ، تان هپت رۆچا بێهُمیرێن نگن بوَر. اے کارا اَبیبئے ماها، هما گیشّێنتگێن وهدا بکن، چێا که همے ماها تئو چه مِسرا در آتکئے.

دَرگوَز 13:4

شما مرۆچیگێن رۆچا، اَبیبئے ماها چه اِدا درَ کپێت.

لوکا 2:41

ایسّائے پت و مات، ایسُّپ و مَریم، هر سال سَرگوَزئے ائییدا، اورشَلیما شتنت.

کاسِدانی کار 12:3

وهدے دیستی که یَهودی چه اے کارا وشّ اَنت، گڑا پِتْرُسی هم دَزگیر کرت. اے کار، بێهُمیرێن نگنئے ائییدئے رۆچان بوت.

دَرگوَز 12:2

”اے ماه په شما بِنداتی ماهَ بیت، په شما سالئے ائولی ماهَ بیت.

دَرگوَز 22:29

چه وتی کِشار و شیرَگان منی بَهرئے دئیگا دێر مکن. وتی ائولی مَردێن‌چُکّا منا بدئے.

دَرگوَز 13:3

موسّایا گۆن مردمان گوَشت: ”اے رۆچا مشمۆشێت که شما همے رۆچا چه مِسرا دَر آتکگێت، چه هما مُلکا که اۆدا گُلام بوتگێت و هُداوندا گۆن وتی دستئے زۆرا شمارا چه اۆدا در کرتگ و آورتگ. هُمیری نگن مئورێت.