دَرگوَز 22:28 - هُدائے پاکێن کتاب، بلۆچی زبانا

²⁸ کُپر مکن. وتی مهلوکئے سرۆکا نالت مکن.

دَرگوَز 22:28 Referans Kwoze

کاسِدانی کار 23:5

پولُسا پَسّئو دات و گوَشت: ”او براتان! من نزانتگ که اے، هُدائے نامێنتگێن مسترێن دینی پێشوا اِنت. چێا که نبشته اِنت ’وتی کئومئے پێشوایا بَد و رَد مگوَشێت.‘“

یَهودائے کاگد 1:8

اَنچُش، گۆن اے سجّهێن سرگوَستانی زانگا، هما مردم که وتی وابانی تها زندگ اَنت، وتی جسم و جانا پلیت و گندگَ کننت، اِهتیارا نمَنّنت و آسمانی زۆرمندان سُبکّ و بےاِزتَّ کننت.

پِتْرُسئے دومی کاگد 2:10

هُدائے کَهر و سِزا هاس هما مردمانی سرا کپیت که وتی جسمئے مهارِش سِلّ و ناپاکێن واهگانی تها یله کرتگ و هچّ واک و کدرتا نمَنّنت و مانَ نئیارنت. همینچُک تَمَرْد و پُرکِبر اَنت که چه آسمانی زۆرمندانی سُبکّ کنگا تُرسِش نێست.

دَرگوَز 21:17

هرکَسا که وتی پت یا مات نالَت کرت، آییئے سِزا مَرک اِنت.

پِتْرُسئے ائولی کاگد 2:17

هرکَسا اِزّت بدئیێت و په باوَرمندان هاسێن مِهرے دلا بدارێت، وتی زِندا په هُداتُرسی بگوازێنێت و بادشاها شرپ بدئیێت.

کاسِدانی کار 23:3

گڑا پولُسا گوَشت: ”هُدا ترا جنت، او اِسپێتی پِر مُشتگێن دیوال! تئو شَریَتئے رهبندانی رَندگیریا منی مئیار و بێمئیاریئے گیشّێنگا اِدا ائے، بله اے کارئے بدلا گۆن منی شَهمات جناێنگا شَریَتئے رَهبندان پْرۆشگا ائے.“

زَبور 138:1

او هُداوند! چه دلئے جُهلانکیا تئیی شُگرا گِران، هُدایانی بارگاها ترا په سئوتَ نازێنان.

زَبور 32:6

پمێشکا، تان وهد و مۆه اِنت، هر هُدادۆست تئیی گوَرا دْوا بکنت، وهدے هارێن آپ چستَ بنت، هچ پئیما په آییا سر بوتَ نکننت.

دَرگوَز 13:2

”سجّهێن ائولی مَردێن‌چُکّان گیشّێن و په من وَپْک بکن. اِسراییلئے سجّهێن ائولی چُکّ منیگ اَنت، اِنسانانی چُکّ ببنت یا دَلوَتانی.“

دَرگوَز 13:12

اۆدا وتی ائولی مَردێن‌چُکّان گیشّێنێت و په هُداوندا وَپْک کنێت. شمئے مال و دَلوَتانی سجّهێن ائولی نَرێن چُکّ هم هُداوندئے ببنت.

دَرگوَز 23:16

رۆن و مۆشئے ائییدا گۆن وتی هما کِشارانی ائولی بَر و سَمران جشن بگر که تئو وتی ڈگارا کِشتگ‌اَنت. اێرَهتئے ائییدا سالئے گُڈّی رۆچان جشن بگر، هما وهدا که وتی ڈگارئے بَر و سَمرا مُچَّ کنئے.

دَرگوَز 23:19

وتی زمینئے ائولی بَر و سَمرا وتی هُداوندێن هُدائے لۆگا بیار. شِنِکّئے گۆشتا ماتئے شیرئے تها لَهڑ مدئے.