دَرگوَز 20:2 - هُدائے پاکێن کتاب، بلۆچی زبانا

² ”من تئیی هُداوندێن هُدا آن، هما که ترا چه مِسرا در کرت و آورت، چه هما مُلکا که اۆدا گُلام اَتئے.

دَرگوَز 20:2 Referans Kwoze

زَبور 81:10

من هُداوند آن، تئیی هُدا که ترا چه مِسرا در کرت و آورت. وتی دپا سَرجما پَچ کن، که من پُرّیَ کنان.

دَرگوَز 13:3

موسّایا گۆن مردمان گوَشت: ”اے رۆچا مشمۆشێت که شما همے رۆچا چه مِسرا دَر آتکگێت، چه هما مُلکا که اۆدا گُلام بوتگێت و هُداوندا گۆن وتی دستئے زۆرا شمارا چه اۆدا در کرتگ و آورتگ. هُمیری نگن مئورێت.

زَبور 50:7

”او منی مردمان! بِشکنێت که هبرَ کنان. او اِسراییل! تئیی هلاپا گواهیَ دئیان. من هُدا آن، شمئے هُدا.

پولُسئے کاگد په رومیان 10:12

اے بارئوا یَهودی و یونانیئے نیاما پرک و پێرے نێست. چێا که همے یکّێن هُداوند، سجّهێنانی هُداوند اِنت و په هما درُستیگێن مردمان بێکِساس سَکی و بَکشۆک اِنت که آییا تئوارَ کننت.

پولُسئے کاگد په رومیان 3:29

هُدا اێوَکا یَهودیانی هُدا اِنت؟ دَرکئومانی هُدا نه‌اِنت؟ البت، آ دَرکئومانی هم هُدا اِنت،

دَرگوَز 6:6

پمێشکا منی اے پئیگاما اِسراییلیان سَر کن: ’من هُداوند آن. من شمارا چه مِسریانی بیگاریا کشّان و چه گُلامیا آزاتَ کنان. دستا شهارَ دئیان، مِسریان گرانێن سِزا دئیان و شمارا مۆکان.

دَرگوَز 15:13

تئو په مِهر وتی مۆکِتگێن مهلوکئے رهبری کرت و گۆن وتی زۆر و واکا دێم په وتی پاکێن بارگاها آیانی رهشۆنی کرت.

دَرگوَز 15:16

بیمّ و دَهشَتے دلا کپیتِش. چه تئیی باسکئے زۆرمندیا آ سِنگ و سیاهَ بنت، تان هما وهدا که تئیی مهلوک بگوَزیت، او هُداوند، تان هما وهدا که تئیی مۆکِتگێن مهلوک بگوَزیت.

دَرگوَز 15:26

هُداوندا گوَشت: ”اگن تئو په دلگۆش وتی هُداوندێن هُدائے تئوارا گۆش بدارئے و هما کاران بکنئے که آییئے چمّان شَرّ اَنت، اگن آییئے هُکمان دلگۆش بکنئے و آییئے سجّهێن پرمانان بِمَنّئے، هچّ چُشێن نادْراهیے تئیی سرا نئیاران که من مِسریانی سرا آورت، چێا که منِ هُداوند تئیی دْراه کنۆک آن.“

دَرگوَز 20:1

هُدایا اے سجّهێن هبر گوَشتنت:

دَرگوَز 29:46

گڑا آ زاننت که من آیانی هُداوندێن هُدا آن، هما هُدا که آیانا چه مِسرا درُن کرت که آیانی نیاما نندۆک ببان. من آیانی هُداوندێن هُدا آن.

دَرگوَز 13:14

اگن باندا تئیی چُکّا چه تئو جُست کرت: ’اے کارا چێا کنگا ائے؟‘ تئو بگوَش: ’هُداوندا گۆن وتی دستئے زۆرا مارا چه مِسرا در کرت و آورت، چه هما مُلکا که اۆدا ما گُلام اَتێن.

زَبور 81:7

تئو سکّیانی ساهتان پریات کرت و من ترا رَکّێنت، من گْرندان اَندێم اتان و ترا پَسّئو دات، مِریبائے آپانی کرّا ترا چکّاستُن. اۆشت...

زَبور 81:11

”بله کئوما منی هبر گۆش نداشت و اِسراییل منی پرمانبَردار نبوت.