دَرگوَز 2:25 - هُدائے پاکێن کتاب، بلۆچی زبانا

²⁵ هُدایا اِسراییلی دیستنت و آیانی سرا بَزّگی بوت.

دَرگوَز 2:25 Referans Kwoze

دَرگوَز 4:31

مهلوکا باوَر کرت. وهدے آیان اِشکت که هُداوندا مئے نێمگا دلگۆش کرتگ و مئے بزّگی‌ای دیستگ، په ادب سرِش جَهل کرت و پرستش کنگا لگّتنت.

زَبور 55:22

وتی پرێشانیان په هُدایا بِلّ، که آ تئیی دارۆک اِنت، آ هچبر پهرێزکاران کپگا نئیلیت.

زَبور 1:6

که هُداوند پهرێزکارانی راهئے نگهپان اِنت، بله بدکارانی راه تباهی و بێگواهی اِنت.

لوکا 1:25

آییا گۆن وت گوَشت: ”هُداوندا په من چُشێن کارے کرتگ، اے رۆچان وتی مِهری منی سرا گوارێنتگ و مردمانی چمّا اے کم‌اِزّتی‌ای چه من دور کرتگ.“

مَتّا 7:23

گڑا من آیان راستێنَ گوَشان: ’او بدکاران! من هچبر شمارا پَجّاه نئیاورتگ، چه منی دێما دور ببێت.‘

دَرگوَز 1:8

نون مِسرئے سرا نۆکێن پِرئونے بادشاهی تَهتا نِشت. اے بادشاه ایسُّپئے بارئوا سرپد نه‌اَت.

کاسِدانی کار 7:34

من مِسرئے سرڈگارا وتی مردمانی سکّی و سۆری دیستگ‌اَنت، آیانی پریات و زاری اِشکتگ‌اَنت، په آیانی رَکّێنگ و آزات کنگا اێر آتکگان. بیا، نون من ترا پدا مِسرا رئوانَ دئیان.‘

دَرگوَز 3:9

بچار، بنی اِسراییلیانی پریات منی کرّا سر بوتگ، من هما زُلم هم دیستگ‌اَنت که مِسری آیانی سرا کننتِش.

دَرگوَز 18:8

هُداوندا اِسراییلیانی هاترا گۆن پِرئون و مِسریان هرچے که کرتگ‌اَت، موسّایا آ سجّهێن هبر گۆن وتی ناکۆا کرتنت. راهئے سجّهێن سکّی و سۆریانی بارئوا هم هبری کرت و گوَشتی که هُداوندا چۆن مارا رَکّێنتگ.

زَبور 10:14

بله اَلبت تئو گندئے. سَکّی و سۆریانَ گندئے، تان کار و اِهتیارا وتی دستا بدارئے. بزّگ و بێچارگ وتا تئیی سپردگَ کننت، چۆرئوانی مَدَت کنۆک تئو ائے.

زَبور 31:8

منا دژمنانی دستا ندئیئے و منی پادان پْراه و شایگانێن جاگهے اێرَ کنئے.