دَرگوَز 2:15 - هُدائے پاکێن کتاب، بلۆچی زبانا

¹⁵ پِرئون اے هبرا سهیگ بوت و موسّائے کُشگئے اِرادهی کرت. بله موسّا چه پِرئونئے کِرّا تتک و میدیانئے مُلکا شت و چاتێئے کرّا نِشت.

دَرگوَز 2:15 Referans Kwoze

کاسِدانی کار 7:29

گۆن اے هبرئے اِشکنگا، موسّا چه آ مُلکا در آتک و میدیانئے سرڈگارا دَرانڈێه بوت. همۆدا آییا دو مردێن‌چُکّ بوت.

پێدایش 24:11

چه شهرا ڈَنّ، چاتێئے کِرّا اُشتری جۆکێنتنت. بێگاهئے وهد اَت و اے وهدا جنێن په آپئے کَشّگا آتکنت.

پێدایش 29:2

اۆدا دیستی تَه دشتا چاتے و سئے رمگ چاتئے نزّیکّا وپتگ، چێا که مردمان اے رمگ چه همے چاتا آپَ داتنت. بلاهێن سِنگے چاتئے دپا اَت.

یوهَنّا 4:6

آکوبئے چات همۆدا اَت. ایسّا سپرا بوتگ‌اَت و دَمی برتگ‌اَت. همے چاتئے کِرّا نِشت. نێمرۆچئے وهد اَت.

مَتّا 10:23

وهدے شمارا یکّ شهرێا آزارَ رسێننت گڑا بتچێت و دگه شهرێا برئوێت. شمارا راستێنَ گوَشان، تانکه شما اِسراییلئے سجّهێن شهران سر ببێت، من که انسانئے چُکّ آن، پێسرا کایان.

دَرگوَز 4:19

میدیانئے مُلکا هُداوندا گۆن موسّایا گوَشت: ”پدا مِسرا برئو، چێا که آ سجّهێن مردم که تئیی کُشگئے رندا اَتنت، مُرتگ‌اَنت.“

پێدایش 25:4

میدیانئے مَردێن‌چُکّ، اِپاه و اێپِر و هَنوک و اَبیدَه و اِلداه اَتنت. اے سجّهێن کِتورَهئے اۆبادَگ اَتنت.

پێدایش 25:2

اِبراهێمئے چُکّ زِمران و یُکشان و مێدان و میدیان و یَشباک و شَواه چه کِتورَها پێدا بوتنت.

دَرگوَز 18:4

دومی چُکّئے نام اێلیزِر اَت، چێا که موسّایا گوَشتگ‌اَت که منی پتئے هُدا منی مَدتکار بوتگ و منا چه پِرئونئے زهما رَکّێنتگی.