دَرگوَز 2:10 - هُدائے پاکێن کتاب، بلۆچی زبانا

¹⁰ چُکّ که رُست و کمّے مستر بوت، ماتا پِرئونئے جنکّئے کرّا آورت. پِرئونئے جنکّا چُکّ زرت و وتی چُکّ کرت. آییئے نامی موسّا کرت، گوَشتی: ”اے من چه آپا کَشِّتگ.“

دَرگوَز 2:10 Referans Kwoze

پێدایش 16:11

هُداوندئے پرێشتگا پدا گوَشت: ”نون تئو لاپ‌پُرّ ائے و مردێن‌چُکّے کارئے. چُکّئے ناما اِسماێل بکن چێا که هُداوندا تئیی پِریات اِشکتگ.

یوهَنّائے ائولی کاگد 3:1

بچارێت که پتا چۆنێن مِهرے مارا بَکشتگ که هُدائے چُکّ زانگ ببێن و بێشکّ ما هُدائے چُکّ اێن. دنیا مارا نزانت و پَجّاهَ نئیاریت چێا که دنیایا آ هم پَجّاه نئیاورت.

په گَلاتیان پولُسئے کاگد 4:5

تانکه همایان بمۆکیت که شَریَتئے چێرا اَنت و هُدا مارا بزوریت و وتی چُکّ بکنت.

مَتّا 1:21

آ، مردێن‌چُکّێئے سرا چِلّگَ بیت و آییئے ناما ایسّا بکن، چێا که آ وتی کئوما چه آیانی گناهانَ رَکّێنیت.“

پێدایش 48:5

نون تئیی اے دوێن مردێن‌چُکّ منیگَ بنت، همے چُکّ که چه منی اِدا، تئیی کِرّا آیگا پێسر مِسرئے مُلکا پێدا بوتگ‌اَنت. اِپراێم و مَنَسی منیگَ بنت، اَنچۆ که روبِن و شَمون منیگ اَنت.

پێدایش 4:25

آدما پدا گۆن وتی جَنا وپت و واب کرت و آییئے جَنا مردێن‌چُکّے آورت. جَنا چُکّئے نام سئیت کرت. گوَشتی: ”هُدایا منا هابیلئے بدلا دگه چُکّے داتگ، پرچا که کائِنا هابیل کُشت.“

دَرگوَز 2:9

پِرئونئے جنکّا گۆن آییا گوَشت: ”اے نُنّکا گۆن وت بر و په من مێچێن. من تئیی مُزّا دئیان.“ جنێنا نُنّک زرت و مێچێنت.