دَرگوَز 18:12 - هُدائے پاکێن کتاب، بلۆچی زبانا

¹² موسّائے ناکۆ یَترونا په هُدایا سۆچَگی و دگه کُربانیگ پێش کرت. هارون و اِسراییلئے سجّهێن کماش آتکنت که هُدائے بارگاها گۆن موسّائے ناکۆا نان بوَرنت.

دَرگوَز 18:12 Referans Kwoze

پێدایش 31:54

همۆدا، کۆهستگێن دَمگا کُربانیگے کرتی و سیاد و وارِسی ورگێا داوَت داتنت. ورگا رند شپا همۆدا داشتِش.

دَرگوَز 24:11

هُدایا اِسراییلیانی سرۆک تاوان نداتنت. آیان هُدا دیست و همۆدا ورگ و چرگِش وارت.

دَرگوَز 24:5

بنی اِسراییلئے ورنایی راه داتنت، آیان کاییگر زرت و په هُداوندا سۆچَگی کُربانیگ و همدلیئے کُربانیگِش کرت.

لوکا 14:15

چه اۆدئے مهمانان یکّێا، گۆن اے هبرئے اِشکنگا گوَشت: ”بَهتاور اِنت هما که هُدائے بادشاهیئے مهمانیا ورگَ وارت.“

لوکا 14:1

شَبَّتئے رۆچے، ایسّا په وراکئے ورگا چه پَریسی سرۆکان یکّێئے لۆگا شتگ‌اَت. اۆدئے مردم په دلگۆش آییا چارگا اَتنت که بارێن چے کنت؟

دانیال 10:3

من هچّ وشّێن وراکَ نئوارت. گۆشت و شراب دپ پِرَ نکرت، رۆگن پِرَ نمُشت تانکه اے سئیێن هپتگ گوَستنت.

دَرگوَز 2:20

پتا گۆن وتی جنکّان گوَشت: ”گڑا کُجا اِنت؟ شما آ مرد چێا نئیاورتگ گۆن؟ تئواری کنێت، بِلّی کئیت و نانَ وارت.“

پێدایش 43:25

تان ایسُّپئے آیگا، نێمرۆچئے وهدا، آیان وتی ٹێکی تئیار کرتنت، چێا که اِشکتگ‌اَتِش که ما سُبارگا همِدا اێن.

پێدایش 26:25

اِساکا اۆدا کُربانجاهے اَڈّ کرت و هُداوندئے نامی تئوار کرت. وتی گِدانی همۆدا مِکّ کرت و آییئے هِزمتکاران همۆدا چاتے جَت.

پێدایش 12:7

بله هُداوند، اِبرامئے دێما زاهر بوت و گوَشتی: ”چه منی نێمگا اے سرڈگار تئیی نَسل و پَدرێچئیگ اِنت.“ گڑا اِبراما اۆدا په هُداوندا، که آییئے دێما زاهر بوتگ‌اَت، کُربانجاهے اَڈّ کرت.

پێدایش 8:20

نون نوها په هُداوندا کُربانجاهے اَڈّ کرت و چه هِلارێن هئیوان و هِلارێن بالی مُرگان لهتێنی زُرت و کُربانجاها سۆچَگی کُربانیگی کرتنت.

پێدایش 4:4

هابیلا هم چه وتی رَمگئے پَسانی ائولی چُکّان لهتێن کُشت و آیانی پیگی گۆشت زُرت و په هُدایا ٹێکی آورت. هُداوندا هابیل و آییئے ٹێکی پسُند بوتنت،

دَرگوَز 2:16

میدیانئے دینی پێشوایا هپت جنێن‌چُکّ هست‌اَت. اے جنکّ آتک و آپئے کَشّگ و تَگارئے پُرّ کنگا لگّتنت که پتئے رمگا آپ بدئینت.

دَرگوَز 3:1

موسّا وتی ناکۆ، میدیانئے دینی پێشوا یَترونئے رمگا چارێنگا اَت. رمگی زرت و گیابانئے آ دستا، هۆرێبا، بزان هُدائے کۆها شُت.

دَرگوَز 18:13

چۆ بوت که دومی رۆچا موسّا په مهلوکئے دادرَسیا نِشت. مردم سُهبا تان بێگاها آییئے چپّ و چاگردا اۆشتاتگ‌اَتنت.

دَرگوَز 20:24

په من هاکئے کُربانجاهے اَڈّ کن. اۆدا چه وتی پَس و گۆکان سۆچَگی کُربانیگ و همدلیئے کُربانیگ پێش کن. هر جاگه که من ترا وتی نامئے یات کنگا پَرمایان، همۆدا تئیی کرّا کایان و ترا برکتَ دئیان.

دَرگوَز 33:7

موسّایا مُدام تَمبوے زرت و چه اُردگاها دور مِکَّ کرت. اے تَمبوئے نامی گِندُکئے تَمبو کرت. هرکَس که هُداوندئے سر و سۆجانی لۆٹۆک اَت، چه اُردگاها ڈَنّ گِندُکئے تَمبوا شت.

پێدایش 26:30

گڑا اِساکا په آیان مِهمانیے کرت و آیان وارت و نۆشِت.