دَرگوَز 14:30 - هُدائے پاکێن کتاب، بلۆچی زبانا

³⁰ اے پئیما هُداوندا آ رۆچی اِسراییل چه مِسریانی دستا رَکّێنت و اِسراییلیان دیست که مِسریانی جۆن و جَسد تئیاب‌دَپا کپتگ‌اَنت.

دَرگوَز 14:30 Referans Kwoze

زَبور 106:10

چه بَدواهانی دستا رَکّێنت و چه دژمنانی دستا مۆکِتنتی.

زَبور 106:8

بله هُداوندا په وتی نامئیگی رَکّێنتنت، تانکه وتی زۆر و واکا زاهر بکنت.

یَهودائے کاگد 1:5

شما اے سجّهێن چیزّان سرپد بوتگێت و زانێت، بله لۆٹان شمارا تَهتال پرّێنان که هُداوندا یکّ برے وتی کئوم چه مِسرا رَکّێنت، بله آ که بێباور اَتنت رندترا گار و بێگواهی کرتنت.

زَبور 58:10

پهرێزکار، بێرا که گندیت، شادهیَ کنت، وتی پادان مان بدکارانی هۆنا شۆدیت.

زَبور 59:10

هُدا په من مهربان اِنت و منی کُمکا کئیت، دژمنانی سرا وتی پێرۆزیا گندان.

دَرگوَز 14:13

موسّایا گۆن مردمان گوَشت: ”متُرسێت. دلا ڈَڈّ کنێت و بچارێت که مرۆچی هُداوند شمارا چۆن نجاتَ دنت، چێا که اے مِسریان که شما مرۆچی گِندگا اێت، پدا اِشان هچبرَ نگِندێت.

زَبور 91:8

تهنا گۆن وتی چمّانی شانک دئیگا بدکارانی سزایانَ گندئے.