دَرگوَز 13:3 - هُدائے پاکێن کتاب، بلۆچی زبانا

³ موسّایا گۆن مردمان گوَشت: ”اے رۆچا مشمۆشێت که شما همے رۆچا چه مِسرا دَر آتکگێت، چه هما مُلکا که اۆدا گُلام بوتگێت و هُداوندا گۆن وتی دستئے زۆرا شمارا چه اۆدا در کرتگ و آورتگ. هُمیری نگن مئورێت.

دَرگوَز 13:3 Referans Kwoze

دَرگوَز 20:2

”من تئیی هُداوندێن هُدا آن، هما که ترا چه مِسرا در کرت و آورت، چه هما مُلکا که اۆدا گُلام اَتئے.

دَرگوَز 13:14

اگن باندا تئیی چُکّا چه تئو جُست کرت: ’اے کارا چێا کنگا ائے؟‘ تئو بگوَش: ’هُداوندا گۆن وتی دستئے زۆرا مارا چه مِسرا در کرت و آورت، چه هما مُلکا که اۆدا ما گُلام اَتێن.

دَرگوَز 12:42

اے سجّهێن شپا هُداوندا آیانی نگهپانی کرت که آیان چه مِسرا در بکنت، پمێشکا اے شپ په اِسراییلیان هُداوندئے ناما شَپ‌پاسیے و باید اِنت سجّهێن اِسراییلی اے شَپ‌پاسیا نَسلانی نَسل برجاه بدارنت.

دَرگوَز 23:15

بێهُمیرێن نگنئے ائییدا برجاه بدار. هما پئیما که من ترا هُکم داتگ، هپت رۆچا بێهُمیرێن نگن بوَر. اے کارا اَبیبئے ماها، هما وهدا بکن که من گیشّێنتگ، چێا که همے ماها شما چه مِسرا در آتکێت. کَسّ گۆن هالیگێن دستان منی بارگاها مئیئیت.

دَرگوَز 20:8

شَبَّتئے رۆچا یات بدار و اے رۆچا گچێنی و پاکێن رۆچے بزان.

دَرگوَز 12:19

تان هپت رۆچا شمئے لۆگان هُمیر مبیت. چێا که هرکَسا که هُمیری چیزّے وارت، آ مردم چه اِسراییلئے مهلوکا سِندَگَ بیت، هرکَس ببیت، دَرامَدے یا مُلکی مردمے.

دَرگوَز 12:8

آ باید اِنت هما شپا گۆشتا آسا بپَچنت و گۆن بێهُمیرێن نگن و تَهلێن کاهُکا بوَرنتی.

دَرگوَز 6:1

هُداوندا گۆن موسّایا گوَشت: ”نون تئو گندئے که من گۆن پِرئونا چے کنان. پِرئون منی زۆرمندێن دستا که گِندیت، مهلوکا رئوگا کِلّیت. هئو، منی زۆرمندێن دستا که گِندیت، آیان چه وتی مُلکا گَلّێنیت.“

دَرگوَز 3:20

من وتی دستا شهارَ دئیان و مِسرا گۆن وتی هما سجّهێن اَجَبَّتێن کارانَ جنان که منِش آیانی نیاما کنان. گڑا پِرئون شمارا رئوگا کِلّیت.

دَرگوَز 12:15

هپت رۆچا بێهُمیرێن نگن بوَرێت. هرچے هُمیر که شمئے لۆگان هست، ائولی رۆچا دئورِش بدئیێت. چێا که هرکَسا که ائولی رۆچا بگر تان هپتمی رۆچا هُمیری چیزّے وارت، آ مردم چه اِسراییلئے کئوما سِندَگَ بیت.

زَبور 105:5

آییئے کرتگێن باکَمالێن کاران یات کنێت، آییئے مۆجزه و داتگێن هُکمان،

لوکا 22:19

نگنی هم زرت، هُدائے شُگری گپت، چُنڈ چُنڈی کرت، مریدانا دات و گوَشتی: ”اے منی جسم اِنت که په شما کُربانیگَ بیت، اے رسما په منی یات و یاتمانا برجاه بدارێت.“

مَتّا 10:12

وهدے لۆگێا رئوێت، دْرۆت و دْرَهبات بگوَشێت و په آ لۆگا سُهل و اێمنی بلۆٹێت.

دَرگوَز 6:6

پمێشکا منی اے پئیگاما اِسراییلیان سَر کن: ’من هُداوند آن. من شمارا چه مِسریانی بیگاریا کشّان و چه گُلامیا آزاتَ کنان. دستا شهارَ دئیان، مِسریان گرانێن سِزا دئیان و شمارا مۆکان.

دَرگوَز 7:4

بله پِرئون شمئے هبران گۆشَ نداریت. من وتی دستا مِسرئے هِلاپا چِستَ کنان، مِسریان گرانێن سِزا دئیان و وتی اِسراییلی کئوما رُمب رُمبا چه مِسرا کشّان.

دَرگوَز 12:17

بێهُمیرێن نگنئے ائییدا برجاه بدارێت، چێا که همے رۆچا من شمارا رُمب رُمبا چه مِسرا در کرت. نَسلانی نَسل اے رۆچا اَبدی پرمانێئے هسابا برجاه بدارێت.

دَرگوَز 13:9

وتی دستا نشانے و پێشانیگا یاتگێجے پِر کن که هُداوندئے شَریَت تئیی دپا ببیت. چێا که هُداوندا گۆن وتی پُرزۆرێن دستا ترا چه مِسرا در کرت.

زَبور 114:1

وهدے اِسراییل چه مِسرا در آتک، آکوبئے هاندان، چه درامَدێن زبانێئے مردمانی نیاما،

زَبور 136:11

اِسراییلی چه آیانی نیاما در کُرت، مِهری اَبدمان اِنت.

پێدایش 15:16

تئیی پَدرێچ، چارمی نَسلا اِدا پرَ ترّیت چێا که اَموریانی بَدکاری اَنگت پوره و سَرجم نبوتگ.“

دَرگوَز 6:7

من شمارا زوران و وتی کئومَ کنان و شمئے هُدا بان. گڑا شما زانێت که من شمئے هُداوندێن هُدا آن، هما که شمارا چه مِسریانی بیگاریا دری کرتگ.

دَرگوَز 12:2

”اے ماه په شما بِنداتی ماهَ بیت، په شما سالئے ائولی ماهَ بیت.

دَرگوَز 12:41

اے چار سد و سیێن سالانی گُڈسرا، گُڈّی رۆچئے جندا هُداوندئے سجّهێن مهلوک رُمب رُمبا چه مِسرا دَر آتک.

دَرگوَز 34:18

بێهُمیرێن نگنئے ائییدا برجاه بدار. هما پئیما که من ترا هُکم داتگ، تان هپت رۆچا بێهُمیرێن نگن بوَر. اے کارا اَبیبئے ماها، هما گیشّێنتگێن وهدا بکن، چێا که همے ماها تئو چه مِسرا در آتکئے.

زَبور 89:14

اَدل و اِنساپ تئیی بادشاهیئے بُنیاد اَنت، مِهر و وپاداری تئیی همراهیا، دێما گام جَنان اَنت.

زَبور 136:12

گۆن پُرزۆرێن باسک و شهارتگێن دستے، مِهری اَبدمان اِنت.

دانیال 9:15

او مئے هُداوندێن هُدا! اے تئو ائے که گۆن وتی پُرزۆرێن دَستا وتی کئوم چه مِسرا ڈنّا آورت و په وت اَنچێن نامے در آورت که تان مرۆچی هست‌اِنت. نون ما گناه کرتگ و رَدکار بوتگێن.