دَرگوَز 13:21 - هُدائے پاکێن کتاب، بلۆچی زبانا

²¹ هُداوند رۆچئے وهدا جمبرئے مِنُکێئے تها آیانی دێما رئوان اَت که راها پێش بداریت. شپئے وهدا آسئے مِنُکێئے تها آیانی دێما رئوان اَت که آیان رُژن بدنت و آ شپا هم سپر کرت بکننت و رۆچا هم.

دَرگوَز 13:21 Referans Kwoze

زَبور 99:7

چه جمبرئے سُتونا گۆن آیان هبری کرت و آیان هم هما هُکم و شَریَت برجاه داشت که داتگ‌اَتی.

زَبور 105:39

آییا جمبرے ساهێل کرت و پۆشێنتنت، آسے رۆکی کرت که شپا رُژنایی‌اِش بدنت.

زَبور 78:14

رۆچا، گۆن جمبرا رهشۆنی‌ای داتنت و شپا گۆن آسئے رُژنا.

دَرگوَز 16:10

چۆ بوت که وهدے هارون گۆن سجّهێن اِسراییلی مهلوکا هبرا اَت، آیان گیابانئے نێمگا چارِت و هُداوندئے شان و شئوکتِش دیست که جمبرئے تها زاهر اَت.

زَبور 68:7

او هُدا! آ وهدا که وتی کئومئے رهشۆن اتئے، آ وهدا که گیابانا ملّان اتئے، اۆشت...،

زَبور 77:20

تئو وتی کئوم موسّا و هارونئے دَستا رهشۆنی کرت، رمگێئے پئیما.

دَرگوَز 10:10

پِرئونا گوَشت: ”هُداوند اَلّما شمئے پُشت و پناه بوتگ‌اَت، اگن من شمارا گۆن چُکّان رئوگا بِشْتێن. بچار، شمارا پَکّایا رَدێن کارے دلا اِنت.

دَرگوَز 32:1

وهدے مهلوکا دیست که موسّایا چه کۆها اێر کپگا سکّ دێر کرت، هارونئے چپّ و چاگردا مُچّ بوتنت و گوَشتش: ”بیا، په ما هُدا اَڈّ کن که راها چه ما پێسَر ببنت، چێا که آ مَرد، موسّا که مارا چه مِسرا دری کرت و آورتی، نزانێن آ چۆن بوت.“