دَرگوَز 12:41 - هُدائے پاکێن کتاب، بلۆچی زبانا

⁴¹ اے چار سد و سیێن سالانی گُڈسرا، گُڈّی رۆچئے جندا هُداوندئے سجّهێن مهلوک رُمب رُمبا چه مِسرا دَر آتک.

دَرگوَز 12:41 Referans Kwoze

کاسِدانی کار 1:7

پَسّئوی دات: ”آ وهد و زمانگ که پتئے دستا اَنت و آییا وت گیشّێنتگ‌اَنت، شمارا په آیانی زانگا کارے نێست.

یوهَنّا 7:8

شما اے ائییدا برئوێت، من اے ائییدا نئیایان، چێا که منی وهد اَنگت نرَستگ.“

دانیال 9:24

په تئیی کئوم و تئیی پاکێن شهرا هپتاد هپتگ گیشّێنگ بوتگ که سَرکشّی بکُٹّیت، گناه هلاس ببنت، کُربانیگ کنگ و گناهانی تاوان پُرّ کنگ ببیت، اَبدی اَدل بَرجم ببیت، شُبێن و پئیگمبری مُهر جنَگ ببنت و چه سجّهێنان پاکترێن جاگه رۆگن پِر مُشگ ببیت.

زَبور 102:13

تئو جاهَ جنئے و ترا سَهیونئے سرا بزّگَ بیت، چێا که سَهیونئے سرا رهم کنگئے وهد آتکگ، آ گیشِّتگێن وهد رَستگ.

دَرگوَز 12:51

هما رۆچئے جندا هُداوندا اِسراییلی، رُمب رُمبا چه مِسرا در کرتنت.

دَرگوَز 12:17

بێهُمیرێن نگنئے ائییدا برجاه بدارێت، چێا که همے رۆچا من شمارا رُمب رُمبا چه مِسرا در کرت. نَسلانی نَسل اے رۆچا اَبدی پرمانێئے هسابا برجاه بدارێت.

دَرگوَز 7:4

بله پِرئون شمئے هبران گۆشَ نداریت. من وتی دستا مِسرئے هِلاپا چِستَ کنان، مِسریان گرانێن سِزا دئیان و وتی اِسراییلی کئوما رُمب رُمبا چه مِسرا کشّان.

دَرگوَز 3:10

برئو، من ترا پِرئونئے کرّا راهَ دئیان، منی کئوم بنی اِسراییلا بزور و چه مِسرا در آ.“

کاسِدانی کار 7:36

هما اَت که چه مِسرا اِسراییلیانی در آیگئے رهشۆن بوت. هماییا، مِسر و سُهرزِرئے تئیابا و تان چِلّ سالا گیابانان مۆجزه و اَجَبَّتێن نشانی پێشَ داشت.

دَرگوَز 3:8

من اێر آتکگان که آیان چه مِسریانی دستا برَکّێنان و چه اے مُلکا، شَرّێن و پراه و شاهِگانێن مُلکێا ببَران، اَنچێن مُلکێا که اۆدا شیر و بێنَگئے جۆ تچگا اَنت، کَنهانی و هیتّی و اَموری و پِریزّی و هێوی و یَبوسیانی مُلکا.

دَرگوَز 6:6

پمێشکا منی اے پئیگاما اِسراییلیان سَر کن: ’من هُداوند آن. من شمارا چه مِسریانی بیگاریا کشّان و چه گُلامیا آزاتَ کنان. دستا شهارَ دئیان، مِسریان گرانێن سِزا دئیان و شمارا مۆکان.

پێدایش 50:24

ایسُّپا گۆن وتی براتان گوَشت: ”من مِرَگی آن، بله دلجم آن که هُدا په شمئے مَدتا کئیت و شمارا چه اے مُلکا دێم په هما مُلکا بارت که آییئے بارئوا گۆن اِبراهێم و اِساک و آکوبا سئوگندی وارتگ.“

دَرگوَز 6:26

همے هارون و موسّا اَتنت که هُداوندا گۆن آیان گوَشت: ”اِسراییلیان چه مِسرا رُمب رُمبا بکشّێت.“

دَرگوَز 13:3

موسّایا گۆن مردمان گوَشت: ”اے رۆچا مشمۆشێت که شما همے رۆچا چه مِسرا دَر آتکگێت، چه هما مُلکا که اۆدا گُلام بوتگێت و هُداوندا گۆن وتی دستئے زۆرا شمارا چه اۆدا در کرتگ و آورتگ. هُمیری نگن مئورێت.

دَرگوَز 13:9

وتی دستا نشانے و پێشانیگا یاتگێجے پِر کن که هُداوندئے شَریَت تئیی دپا ببیت. چێا که هُداوندا گۆن وتی پُرزۆرێن دستا ترا چه مِسرا در کرت.

دَرگوَز 13:14

اگن باندا تئیی چُکّا چه تئو جُست کرت: ’اے کارا چێا کنگا ائے؟‘ تئو بگوَش: ’هُداوندا گۆن وتی دستئے زۆرا مارا چه مِسرا در کرت و آورت، چه هما مُلکا که اۆدا ما گُلام اَتێن.

دَرگوَز 13:16

اے پَرمانا وتی دستا نِشانے و پێشانیگا ٹِکّے کن و پِر کن چێا که هُداوندا گۆن وتی پُرزۆرێن دستا ترا چه مِسرا در کرت و آورت.“

زَبور 114:1

وهدے اِسراییل چه مِسرا در آتک، آکوبئے هاندان، چه درامَدێن زبانێئے مردمانی نیاما،

زَبور 136:11

اِسراییلی چه آیانی نیاما در کُرت، مِهری اَبدمان اِنت.