دَرگوَز 12:37 - هُدائے پاکێن کتاب، بلۆچی زبانا

³⁷ اِسراییلی چه رَمِسێسا دێم په سُکّوتا سَر گِپتنت. جنێن و چُکّان اَبێد، آ کِساس شَش سد هزار پئیادَگێن مردێن اَتنت.

دَرگوَز 12:37 Referans Kwoze

دَرگوَز 38:26

بزان چه هر مردما یکّ بِکاے. یکّ بِکاے نێم شِکِل اِنت، پاکێن جاگهئے شِکِلئے هسابا. اے نُگره چه هما مردمان گرگ بوتگ‌اَتنت که مردم‌شُماریا هساب کنگ بوتگ‌اَتنت، بزان چه بیست سالَگ و چه بیست سالا مسترێن مردێنان. اے مردێن سَرجمیا شَش لَکّ و سئے هزار و پنچ سد و پنجاه اَتنت.

پێدایش 47:11

هما پئیما که پِرئونا هُکم داتگ‌اَت، ایسُّپا وتی پت و برات مِسرا نادێنتنت و مِسرئے شَرترێن جاگها بزان رَمِسێسئے دَمگا مِلکتی داتنت.

دَرگوَز 1:11

بادشاه و آییئے مَنسبداران، بیگارگیر اِشانی کارمستر کرتنت که اِشانی سرا زۆراکی بکننت و گرانێن کارِش ببندنت. بنی اِسراییلیان په پِرئونا دو شهر اَڈّ کرت. یکّێئے نام پیتوم اَت و یَکّێئے رَمِسێس. دوێن اَمباری شهر اَتنت.

پێدایش 46:3

هُدایا گوَشت: ”من هُدا آن، تئیی پتئے هُدا. مِسرئے رئوگا متُرس که من اۆدا چه تئو مزنێن کئومے اڈَّ کنان.

پێدایش 15:5

هُداوندا اِبرام ڈنّا بُرت و گوَشت: ”آسمانا بچار و اِستاران هساب کن، اگن هسابِش کرتَ کنئے. تئیی نَسل و پَدرێچ اِشانی پئیما بازَ بیت.“

پێدایش 12:2

من ترا مزنێن کئومے جۆڑَ کنان، ترا برکتَ دئیان و تئیی ناما بُرزَ کنان و تئو برکتے بئے.

دَرگوَز 10:9

موسّایا گوَشت: ”ما گۆن وتی وَرنا و پیرێنانَ رئوێن. گۆن وتی مردێن‌چُکّ و جنێن‌چُکّان، گۆن وتی پَس و گۆکانَ رئوێن. چێا که مارا په هُداوندا جشنے گِرگی اِنت.“

دَرگوَز 13:20

آ چه سُکّوتا راه گپتنت و اێتاما، گیابانئے گُڈّی سرا اُردِش کرت.