دَرگوَز 12:12 - هُدائے پاکێن کتاب، بلۆچی زبانا

¹² من همے شپا مِسرا گَردانَ بان و مُلکئے سجّهێن ائولی مَردێن‌چُکّانَ جنان. اِنسانان بگر تانکه دَلوَتانی ائولی چُکّانَ جنان و مِسرئے سجّهێن هُدایان سِزا دئیان. من هُداوند آن.

دَرگوَز 12:12 Referans Kwoze

دَرگوَز 12:23

هُداوند په مِسریانی جنَگا گَردانَ بیت، بله وهدے شمئے چانٹانی سرئے هۆنانَ گندیت، گڑا چه آ دروازگا سرَ گوَزیت و تباه کنۆکا شمئے لۆگان پُترَگ و شمئے جنَگا نئیلیت.

زَبور 82:6

گوَشتُن: ”شما ’هُدا‘ اێت و شما سجّهێن، بُرزێن اَرشئے هُدائے چُکّ اێت،

زَبور 82:1

هُدا، وتی هُدایی بارگاها برجم اِنت، ”هُدایانی“ دیوانا دادرسیَ کنت.

دَرگوَز 6:2

هُدایا گۆن موسّایا هبر کرت، گوَشتی: ”من هُداوند آن.

دَرگوَز 22:28

کُپر مکن. وتی مهلوکئے سرۆکا نالت مکن.

دَرگوَز 21:6

گڑا واجه آییا هُدائے بارگاها ببارت. گُلاما دروازگ یا دروازگئے چانٹئے دپا ببارت، دْرَپشے بزوریت و آییئے گۆشا بِسُمبیت و آ گُلام تان زندگ اِنت، واجهئے هِزمتا بکنت.

دَرگوَز 18:11

نون منَ زانان که هُداوند چه آ دگه سجّهێن هُدایان مستر اِنت. چێا که وتی مهلوکی چه گُروناکێن مِسریانی زُلم و زۆراکیان رَکّێنت.“

زَبور 135:8

هماییا مِسرئے ائولی چُکّ جتنت، مردمانی ائولی چُکّ و دَلوَتانی هم.

دَرگوَز 9:6

دومی رۆچا هُداوندا اے کار کرت. مِسریانی سجّهێن مال و دَلوَت مُرتنت، بله چه اِسراییلیانی مال و دَلوَتان یکّے هم نمُرت.

زَبور 91:7

هزاران کَس تئیی کِرّا کپیت، دهان هزار تئیی راستێن نێمگا، بله اے تباهی تئیی نزّیکا آتکَ نکننت.

زَبور 95:3

که هُداوند مزن‌شانێن هُدا اِنت، سجّهێن ”هُدایانی“ مسترێن بادشاه.