دَرگوَز 11:3 - هُدائے پاکێن کتاب، بلۆچی زبانا

³ هُداوندا مِسریانی نِزَر په وتی مهلوکا نێک کرت. موسّائے جند هم مِسرئے مُلکا پِرئونئے هِزمتکار و مردمانی چمّان سکّێن مزنێن مردمے بوت.

دَرگوَز 11:3 Referans Kwoze

دَرگوَز 12:36

هُداوندا هم مِسریانی نِزَر په اِسراییلیان نێک کرتگ‌اَت. پمێشکا آیان هرچے لۆٹتگ‌اَت، مِسریان داتگ‌اَت. اے پئیما مِسریانی دئولَتِش برت.

دَرگوَز 3:21

من مِسریانی دلا په اے کئوما نَرمَ تَرّێنان و وهدے شما رئوێت، چه مِسرا گۆن هۆرک و هالیگێن دستانَ نرئوێت.

اِلهام 3:9

بچار، من چه شئیتانئے کَنیسَهئے مردمان لهتێن ترا دئیان، چه همایان که وتا یَهودیَ گوَشنت بله یَهودی نه‌اَنت و درۆگَ بندنت. بچار، من آیانَ پرمایان، آ کاینت، تئیی پادانی دێما کپنت و سرپدَ بنت که من ترا دۆست داشتگ.

زَبور 106:46

آیانی سجّهێن بندیگ کنۆکانی دلا په آیان رهمی پێدا کرت.

پێدایش 39:21

بله هُداوند گۆن آییا گۆن اَت و وتی مِهری په ایسُّپا گوارێنت و بندیجاهئے مسترئے دلی په ایسُّپا نرم کرت.

کاسِدانی کار 7:22

موسّایا مِسریانی سجّهێن زانت و زانتکاری در برت و په کِردار و گُپتارا توانمندێن مردے بوت.

پێدایش 12:2

من ترا مزنێن کئومے جۆڑَ کنان، ترا برکتَ دئیان و تئیی ناما بُرزَ کنان و تئو برکتے بئے.

دَرگوَز 12:35

اِسراییلیان هما پئیما کرتگ‌اَت که موسّایا گوَشتگ‌اَتنت. آیان مِسریانی کِرّا گُد و چه نُگره و تِلاها اَڈّ بوتگێن سامان لۆٹتگ‌اَت.